VJESTNIK 2. (ZAGREB, 1900.)
Strana - 223
223 quolibet molendino vnam mensuram in wlgo fertal vocatam bladi molendinini. Insuper de quolibet vase vino repleto, quadraginta cubulos vini in se continente, quatuor, et de vase viginti cubulos continente, duos denarios. Preterea quilibet conciuis ciuitatis predicte cuiuscunque artis artifex, qualibet feria secunda singularum ebdomadarum de sua arte vnum denarium, et penestite mulieres modo simili singulis ebdomadis, in qualibet feria secunda per vnum denarium. Item de balneo in eadem ciuitate habito, per annum integrum quadraginta denarios, insuper agricule seu aratores terrarum eiusdem communitatis, de qualibet dieta, seu vno iugere terre, duodecim denarios semper pro tempore currentes soluere debeant et teneantur. Preterea omnis qui vina ad propinandum empta propinaret de quolibet vase vini propinantis vnius pinte vini valorem et precium per quod idem propinabitur thabernator eiusdem, ad communitatem soluere teneatur. Item quilibet ciuium eiusdem ciuitatis a noualibus vini incipiendo infra et in festo sancti Martini episcopi et confessons, vsque quo pulsabitur ad aue et non vitra, vina ad eandem ciuitatem liberam habeat conducendi facultatem , post pulsum vero ad aue predicti festi sancti Martini et peramplius usque ad vini noualia, si quis ciuium rebellione aut presumptuositate ductus, eadem inducere attemptauerit, volumus, quod eadem in subsidium dicti census et disposicionis communitatis conuertantur, et iudex pro tempore constitutus simul cum iuratis ciuibus, premissa vina recipientes ad eandem disposicionem conuertere debeat et deputare. Nos itaque prefatorum Fabiani iudicis et Petri ciuis dicte ciuitatis nostre, in ipsorum ac vniuersorum et singulorum iuratorum ciuium et hospitum ciuitatis eiusdem nominibus et in personis supplicacionibus ac iuri consonis peticionibus paternaliter inclinati et pie admissis, considérantes nichilominus et in archano mentis nostre diligenti et sedula meditacione pensatis, quod prefata communitatis disposicio, ordinacio, et limitacio, pro ipsius communitatis comodo et vtiliori statu per eandem disposita existit et ordinata, ac ipsi domino nostro régi nec non nobis et futuris eiusdem ciuitatis dominis proficua et frucfuosa fore fidetur et comprobatur, eidem disposicioni prenotate in persona ipsius domini nostri regis nostrum consensum prebuimus pariter et assensum, ac eandem annuimus et concedimus, nec non penitus et in toto acceptamus et approbamus perpetuis temporibus in eadem ciuitate nostra duraturam et per eosdem ciues et totam communitatem ac eorum heredes et posteritates vniuersas perpetuo et irreuocabiliter tenendam et obseruandam harum nostrarum vigore et testimonio litterarum mediante. In cuius rei memoriam firmitatemque perpetuam présentes literas nostras minoris secreti sigilli nostri munimine roboratas, eisdem ciuibus duximus concedendas. Datum in Vrbowch feria sexta proxima ante festum beati Nicolai episcopi et confessons, anno domini milesimo quadringentesimo vigesimo septimo. Commissio propria domini episcopi. Originale membraneum. Dependet zona sericea rubri et fusci coloris. Sigillum periit. In archivo reg. et lib. civitatis Koprivnicae.
