VJESTNIK 2. (ZAGREB, 1900.)
Strana - 222
222 eiusdem, nec non ab heredibus eorum allienare seu recipere possint neque valeant, nisi prius et ante ad conformem construccionem eisdem domos preparauerint ac preparare valeant, vbi videlicet et in quo loco demonstrauerint et placebit eorum voluntati, insuper hoc interposito, quod quandocunque idem predictus prouidus vir Emericus uel dominus cantor apud eosdem hospitando descensum habere vellent, extunc idem domina Elena cum predicto consorte ipsius, ipsis amicabiliter et benigne statum permanendi prebere debeant, quousque amicabiliter permanere placebit ipsorum voluntati. In cuius rei memoriam firmitatemque perpetuam presentibus sigillum nostrum duximus appendendum. Datum Kaproncze feria quinta proxima ante festum béate Katherine virginis, mo anno domini M. quadringentesimo vigesimo quarto. Originale membraneum; dépende! solum coerulea zona sericea. In archivo olim comitum Ratkay fasc: N. N. Nr. 30 nunc in archivo regnorum Croatiae, Slavoniae et Dalmatiae: Documenta medii aevi. 20. Anno 1427. 5. Decembris. In Vrbovac. Joannes episcopus Zagrabiensis, in persona regis consensum super dispositione facta per communitatem de Kaproncha, ratione censuum et solutionum quarumdam, praebet. Commissio propria domini episcopi. Nos Johannes dei et apostolice sedis gracia episcopus Zagrabiensis, sacri Romani imperii et régie maiestatis Hungarie summus cancellarius, memorie commendantes tenore presencium significamus, quibus expedit vniuersis. Quod nostri venientes in presenciam circumspecti et prouidi viri Fabianus filius Georgii iudex, et Petrus filius Grand ciues nostri de Kaproncha, in ipsorum ac vniuersorum iuratorum ciuium et hospitum ciuitatis eiusdem nobis curauerunt declarare, quomodo ipsi pro vtilitate ciuitatis predicte ac comodosiori reformacione negociorum et factorum eiusdem, temporibus futuris occurrencium et presertim pro disposicione certorum factorum, eosdem sepesepius tangencium, quandam communem solucionem et censum ac communitatis disposicionem, pro communi ipsorum reposito, modo infrascripto per eosdem dispositam, limitatam et peractam ordinassent, disposuissent et perfecissent, supplicantes nobis, ipsorum et tocius communitatis ciuitatis nostre predicte nominibus et in personis humiliter et deuote, vt eisdem super predicta communitatis disposicione, censu et solucione ac limitacione, comodum et vtilitatem communitatis respiciencia, per eosdem communiter dispositis et ordinatis ac obseruari promissis in persona ipsius domini nostri regis, nostrum beniuolum consensum preberemus pariter et assensum. Cuius quidem communitatis census et solucio pro vtilitate communitatis dispositi, limitati et ordinati per eosdem ciues sponte exoluendi, disposicio est talis: Primo, quod quilibet hominum et ciuium vineas in territorio eiusdem ciuitatis habitas, habentes et tenentes, de qualibet vinea maiori, quatuor cubulos, de minori vero secundum eorundem limitacionem, videlicet tres, duos vel vnum cubulos vini, singulis annis débet persoluere. Insuper de quolibet fenili in terris eiusdem ciuitatis habiti, decem denarios pro tempore currentes. Preterea de singulis macellis possessores eorum, decem denarios. Item de
