VJESTNIK 2. (ZAGREB, 1900.)

Strana - 173

173 ipsi magistro Ambrosio vel suis successoribus notariis, sine diminucione et defalcacione aliquali extradari, exolui et administrari facere debeatis, vigore nostre gracie ipsi facta mediante, sicut nostram maiestatem grauiter offendere formidatis, secus facere non audentes in premissis. In cuius rei testimonium firmitatemque perpetuam présentes concessimus litteras nostras priuilegiales pendentis et auctentici sigilli nostri munimine consignatas. Datum Zagrabie per manus magistri Georgii aule nostre prothonotarii, et comitis ac castellani de Orbaz dilecti et fidelis nostri, sexto ydus mensis decembris, anno ab incarnacione mo domini millesimo CCC. quinquagesimo tercio, ducatus autem nostri anno primo. In calce: commissio propria et relacio Mathye sacerdotis. Idem et in dosso. Originale membraneum. Dependet zona sericea favi et coendei coloris. Sigillum periit. In archivo lib. et reg. civitatis Koprivnicae. 4. Anno 1354. 7. januarii. Zagrabiae. Stephanus dux totius Slavoniae civibus de Kaproncha usum sïlvarum castri Kukaproncae confert. Nos Stephanus dei gracia tocius Sclauonie, Croacie et Dalmacie dux, memorie commendantes tenore presencium significamus quibus expedit vniuersis. Quod Iekul villicus, Ambrosius notarius et Mychael filius Nicolai ciues nostri de Kapproncha nostre maiestatis adeundo presenciam nobis declarare curarunt, quod dicta ciuitas nostra Kapproncha, silua pro vsu et vtilitate ciuium et hospitum nostrorum de eadem necessaria plurimum indigeret. Supplicantes exinde nostram humilime maiestatem, vt de hoc ipsis remedio opportuno dignaremur confouere. Nos itaque supplicacionibus ipsorum ciuium et hospitum nostrorum ducali benignitate inclinati, duximus eysdem annuendum, quod a modo et deinceps de lignis siluarum castri nostri Kukapproncha pro edificiis domorum et eorum vsibus, nisi vendicioni non exposuerint, absque prohibicione et perturbacione quorumlibet castellanorum nostrorum, excidendi et recipiendi habeant facultatem ciues nostri annotati. Preterea vobis magistro Thome filio Ladizlai castellano nostro de Kukapproncha nunc constituto et aliis in futurum constituendis firmo ducali sub edicto damus in mandatis, quatenus dictos ciues et hospites nostros de dicta Kapproncha racione vsuum et vtilitatum dictarum siluarum ipsius castri nostri percepcionis, molestare aggrauare vel aliqualiter perturbare non audeatis, sed easdem siluas nostras, ipsis ciuibus et hospitibus nostris modo premisso ad vtendum per nostram maiestatem datas et concessas vti et percipi facere permittatis absque omni exaccione aliquali. Aliud non facturi in premissis. Datum Zagrabie secundo die festi epiphaniarum domini, mo anno eiusdem millesimo CCC. quinquagasimo quarto. Originale membraneum. A tergo vestigium appressi sigilli in quo loco legitur: „commissio ducis propria, presentibus magistris Joanne filio Peteuch et Stephano filio Mychaelis." In archivo reg. et. lib. civitatis Koprivnicae.