VJESNIK 11. (ZAGREB, 1945.)
Strana - 249
N. ŽIC, HRVATSKA KRONIKA B. A. KRČELIĆA 1749.—1762. 249 Ostal je na miru celo ovo leto pri armade kraljevske ban. I kajti marešal Braun bil bi na Petrovo vumrl, marešal Leopold Daun njegov ostal je namesnik i ž njim ban horvatcki, koteri festingu Š v a j d n i t z 64 je bil vuzel i srečno i vu drugeh mestah držal se z velikem svoga junačtva glasom. Doklam on gore pri armade bil je, vu horvatcku zemlju poslan i došel je biskup od Novi i kanovnik zagrebečki gdin baron Adam P a t a č i ć. Vu mesecu juniušu i orsačko bilo je spravišče, vu kojem zmed banderijancev, najmre gdina biskupa zagrebečkoga, kaptoloma takaj i prepušta zagrebečkoga, kakoti i familije Erdedijanske, Draskovic, Keglević, Prlac, Patačić etc. dve jezeri ljudi, koje ispeljal je g. oberstleitinant Januš Habianec i iz Banskeh krajin kapitan g. Gerleczi, oberstWohmester vučinjen, i drugi oficeri, od gospode poleg daneh banderiumov imenuvani, i ovi taki spraviti se i kaj hitreje oditi morali su. Z višega iz dobre volje gospoda horvatcka i navlastito gdin biskup zagrebački i kaptolom zmetali su se na nekuliko jezer i na pomoč vojske kraljice prikazali, dali i poslali. Na samo Ladislavo iliti 27. juniuša dan vrlo strahovit potres čut i spoznan bil je, navlastito vu Verovitice, kade cirkva patrov franciškanov i klošter njihov prez kvara nesu ostali, kakoti niti vu Ivaniću i Pečuhu. Po drugeh tulikaj mestah potres ov jako čut je bil, takaj i vu Zagrebu, vu Verovitice trpel je skoro do 20. dana augustuša z velikem onoga ljuctva strahom. Vu majušu pako mesecu eršeg strigonski i vugerske zemlje primas grof Miklouš Csaki vu Požunu vumrl i zakopan je. Na koncu meseca augustuša vu Zagrebu do vremena i doklam dokončano bude, kako varmegje lani izdignene ravnale budu se, vu orsačkom spravišču varmegje zagrebečke vicekomeš vučinjen je g. Lukas Novosel, iz požegške prenesen. Namesnik ovoga g. Mihalj Malenić, za notariuša pako g. Januš Pavel Plepelić. Poklakam peti dan decembra pri Vratislave armada kraljevska razbita bila bi i nepolovleni ali nevubiti soldati na zimske kvartere postavleni bi bili, armade vojniki vu Beč 'došli su i na koncu meseca decembra ban.Ferenc de Nadasd vu Zagreb došel je, gde občinsko orsaga spravišče imajući, gospoda horvatcka za regimente kraljevske zmed svojeh podložnikov reklute dopustili i odlučili su. Koteri od iste gospode na moč imajn i d i m o v davani su i nekoteri vu Zagreb, nekoteri vu Varaždin devani, doklam po reklute ove poslano jest bilo i doklam oni gore odpeljani su. Dapače i zmed Turopolcev i Primorcev 500 ljudi vu tabor odlučeno bilo je. Pomoč volna vu novceh znovič dana i pobirana, kakoti i posudbenem imenom. Po zapovedi Komore požunske na koncu ovoga leta i dojduče tulikaj varoši kraljevski med soldate bermali su. Kakoti tulikaj iz regimenta od grofa Januš Palffija podignenoga i od njega dobrovolno kraljice izručenoga i potle Prajsak zvanoga, tak ovde vu Zagrebu, kakoti i vu Varaždinu i po drugeh mestah na ovo poslani bermali su, tak ovo leto kako i poslednja. Leto ovo 1757. zimu jaku i velike snege je imalo. Marha je pogibala kakoti i živad po vnogeh orsaga mestah. Gospon takaj Ignaci Radostić, požunske komore tolnačnik, još na pričetek ovoga leta, kako komorskeh vu horvateke zemlje poslov, navlastito harmic ravnitel, vu Varaždin je došel i onde varaška pregledavši magistrates je zmenil, kaj vučinil je i vu Križevceh, i potle vu Koprivnice prebivališče svoje postavil. Vumrl tulikajše je ovo leto eršeg i kardinal bečki Jozef Trautson, na mesto koga vu Beč prenesen je biskup vateki Krištof Migazzi, kojega biskupiju zadobil je grof Pavel Forgâcs, biskup prvo vu Velikom Varadinu. Patrov franciškanov tulikajše pr.vo zvana vu dolne Sklavonije bosanska od Srebrnika provincija ovo leto je razdelena. I tri kloštri, koteri pod tursku spadaju oblast, bosanske provincije ostali su. Drugi, koteri vu zemlje vugerske i dolne Sklavonije ali na Horvatckom, kod Č u 11 i ć, prvo bosanske provincije ozivali su se, novu svetoga Kapistrana imenuvanu provinciju napravili su, koje nove provincije prvi provincijal po franciškanskom generalu vučinjen je p. F i 1 i p P e n i ć. LETO 1758. Pod prezidencijum gdina biskupa zagrebečkoga kako banskoga locumtenensa vu Zagrebu banska tabula počela i dokončala se je. Iz horvatekeh Krajin znovič pak van soldati izešli su kakoti i iz generalij. Turopolci tulikaj z Primorci, koje ispeljal je turopolski kapitan g. Pavel Mudić. Odlučeni za regimente ljudi iliti reklute tak vu Zagrebu kako i Varaždinu pod stražum i vu orsačkeh hišah dosta nevolje pretrplivši komaj vu mesecu juniušu odpeljani su. Koje oberstbohmešter Peter Botički, jedno jezero iz Krajin banskeh fi4 Schweidnitz.
