VJESNIK 11. (ZAGREB, 1945.)
Strana - 250
250 VJESNIK HRVATSKOG DRŽAVNOG ARHIVA ispeljajuč soldatov, iz Zagreba z ovemi takaj je odpeljal. I zbog velike vrućine i reklut dugoga počinka njih dosta do treh samo kraljev ober Bistre je pomrlo. G. Juraj Jelačić, tabule judiciarske ašešor, okol Jurjeva vu Zagrebu preminul je, na kojega mesto notariuš tabule g. Miklouš Škrlec od Lomnice ašešoriju, g. pako Juraj Karol Levačić notariju tabule zadobili jesu. Vumrl tulikaj vu Rimu je 3. majuša Benedikt XIV., rimski papa, tulik kulikoga knige od njega ispisane i čini njegovi kažu. Zbog kojeh od isteh krivovercev preštimanje i ljubav imal je. Na kojega mesto vu juliušu od kardinalov izebran je biskup paduanski i kardinal Karol Rezzonico, Benečan domovinum, i prijel ime Klemensa XIII. Vu spravihču orsačkom znovič pomoč dobrovolna za tabor ov je prošena i dana od vnogeh. Med zagrebečkem magistratušem zbog nekotereh med njimi nesloga je se čula, zbog koje potle g. konsiliariuš Radostić tulikajše vu Zagreb na previgjenje je bil došel. •'• i i : J j : Povrnuvši se iz tabora oberster kostanički grof Krištof Oršić, za izmeniti njega, oberstar glinski Anton Setwitz i oberstwohmester Pavel Rauch z dve jezere ljudmi gore vu tabor odišli su. Na koncu tulikajše leta ovoga g. oberstleitinant Januš Habianec z banderijanci orsačkemi nazad domom povrnuli su se i ljuctvo iz Varaždina je raspuhčeno. Ovo leto predzajdni dan majuša pobožno vu Beču preminul je gospodin grof Leopold de Nadasd, kancelariuš vugerski, vekivečnoga spomenka zbog svoje vu posleh marlivosti i najsiromaškešeh poslušanja, brat drugač bana našega. Kojega veliku čast zadobil je grof Miklouš Palffi od Erdoed, gospodin vreden i veliki minister kraljevski. LETO 1759. Pred gdinom banom vu Varaždinu banska tabula poleg navade pravdene z dopuhčenjem kraljevskoga Dvora tekla je. Oberstleitinant Šimon Brnaković i oberstbohmešter Krištof Vojković svojem šeregom domom povrnuli su se. Vu Varaždinu držanom orsačkom spravišču znovič za regimentov napunjenje reklute bile su potrebuvane, koje, kako od orsaga zakračene bile su, ništarmanje dobrovolno vnogi i, kuliko gdo je mogel, dali su je. Vu drugom vindar pod banskum tabulum spravišču odlučeno nekaj je ih bilo.* Biskup Grkov z rimskum cirkvum držečeh, na koncu februariuša, Gabor Palković vu Karlovcu preminul je, od vseh občinskem načinom žaluvan zbog svoje apostolske skrbi i krepostij. Leto 1751. iz misionariuša vu Žumberku niti znajući postal je biskupom. Od kraljice za se i za svoje namesnike stanovitu penziju zadobil, potle Marču i za njum sebi otetum Preseku. Vnoga za ljuctvo ono je vučinil, kakoti šeminarium zagrebečki povekšajuč, vu Rimu za več dijakov odškolanje priliku zadobeč. Pod njim ljuctvo njegovo, koje prvo pod mešum spomenka rimskoga pape ne trpelo, da spomenek bude, prijelo je. I druga vnoga. Ovoga namesnik postal je vikariuš njegov pater Baziliuš Božičković, koteri prvo vu polske zemlje bogosloviju vučil je i potle odonud vu Rim bil je poslan za general-prokuratora svoga reda sv. Baziliuša. Koju vu svojem redu čast izručivši na pomoč skrbi Palkovića došel je i ovomu na mesto dan i postavljen. Ovde vu Zagrebu vu jutro dneva velikoga petka potres čujen je bil. Vu Požunu grof Juraj Erdoedi, ober 80 let star, preminul je. Negda kostanjički bil je komendant, potle požunske komore prezes i od leta 1748. judex curiae regia e. Koju čast grof Jožef Illeshazy je zadobil. Na mesto ovoga tavernicus vučinjen je grof Adam stareši Batthyan. Varmegje varaždinske supremus komeš postal je grof Anton general Erdoedy. Potlakam biskup erdelski iliti Transylvanije baron Sigmund Stojka stalno biskupiju onu bil bi izručil, hotejuči sebe na pokoj i mir postaviti, kako i je se postavit, namesnik njegov vučinjen je prepust požunski i strigonski kanovnik gdin grof Jožef de Batthyan. Vumrl je biskup vatcki grof Pavel Forgâcs i biskupiju ovu zadobil je grof Karol Eszterhazy, strigonski kanovnik. Baron tulikaj Adam Patačić, zagrebečki kanovnik, biskup od Novi, kancelarije vugerske vu Beču tolnačnik iliti konsiliariuš, na koncu meseca augustuša Velikoga Varadina biskupiju je zadobil i onde biskupom postal. Za izdigniene leta 1756. varmegje kraljevska došla je rezolucija, da na spodobu dolne Sklavonije varmegjij ravnati se imaju i po grofu banu horvatckom da svoje imaju pošiljati prošnje, po njem tulikaj kraljevske prijemati zapovedi, odlučenja i
