VJESNIK 11. (ZAGREB, 1945.)

Strana - 251

N. ŽIC, HRVATSKA KRONIKA B. A. KRČELIĆA 1749.—1762. 251 dokončanja. Zato varmegja zagrebečka osebujno svoje imajuč spravišče, po vučinene od supremus komeša kandidacije, zebrala i vučinila je vicekomeša g. Lukača Novosel, pod njim drugoga g. Mihalj Malenića. Notariuš bil je zebran Januš Plepelić, koteri potle zahvalivši ostavi! je i njemu na mesto postavlen Boltizar Kesser. Perceptor Jožef Završki, suci, kako govore, veliki vučineni su Jožef Krčelić, Peter Gojmerec, Florijan Gali,

05 Benedikt Arbanas, Stefan Čeh drugač Babočaj. I pri morju g. Tijanić. Napravleni varmegjinski katane: porkulap i druga ostala. Pečat svoju varmegja je dobila, koje prvo ne imala. Vu križevečke varmegje g, Anton Janković vicekomeš je izebran, notariuš Ferenc Konotaj, koji takaj potle je ostavil, perceptor Jožef Arbanas, suci Januš Švagelj i Ignac Kelc. Pečat takaj doblena i katani napravleni. Varaždinska varmegja čakati morala je, doklam po kraljevske zapovedi tabula banska previdi, je li i nadalje supremus komeš onde sam varmegjinske oficere postavljati ima. Oberstleitinanti Miklouš Grlečić i Šimon Brnaković znovič iz Banskeh krajin i šeregom izešli su. I kajti obodva čez malo bili bi vlovleni, Grlečić na parolu domom je se povrnul. LETO 1760. Iz dopuhčenja kraljevskoga Varaždinu banska tabula je bila: I razglašeni jesu herceški zaruki med korune naše hercegom Jožef i Elizabetum, Parme hercezicum, i oveh svadba za dan 4. oktobra vu Beču. Oberstbohmešter Gerleczi z jednem soldatov jezerom vu mesecu januariušu vu tabor kraljevski odišel je i za njim čez malo i vu marciušu grof oberstar Krištof Oršić dvemi jezermi soldatov. Vremenito živlenje 5. dan aprilisa vu Peštu premenil je grof Ferenc Ksaveriuš Klobušicki od Zetteny,

09 koločki i bački eršeg, i pokopan je vu Koloče. Bil je po dokončane vu Rimu bogoslovije plebanuš, potle kanovnik vu Scepussiumu, zatem strigonski skupa i vikariuš, lektor, potle prepust, posvećen biskup Nemesinus, 1741. prenesen za biskupa vu erdelsku zemlju, odonud 1748. na biskupiju zagrebečku, iz koje koločki eršeg vučinjen je leto 1751. Redovnikom i vučenem dobrovolen. Po kojega smrti na eršekiju koločku je prenesen iz Transilvanije grof Jožef Batthyan, na njegovo pako mesto tamo za biskupa poslan je g. Anton baron Bajtaj,

07 piarista, koteri i požunsku prepustiju zadobil je. Biskup pečuhski Juraj Klimo morajući nazad prijeti vu Požunu čast konziliuma locumtenencijalskoga, varmegje verovitičke administraturu je ostavil, koja grofu supremuš-komeša sinu, najmre Januš Patačiću, komorniku kraljevskomu i tabule banske ašešoru, je dana. Kaj čuvši vicekomeš F r i v a j s

G8 čast svoju je ostavil i na mesto njega vučinjen je g. Ivan Kapistran Adamović. Adam Patačić varadinski biskup vu Beču posvećen, vu Veliki Varadin je odišel i onde 25. dan marciuša vpeljan. Zagrebečka i križevečka varmegje potrebno imetka ljudi zbog kraljevske pravične štibre odlučile bile su i na ovo poslale: zagrebečka Ivana Paxi, kanovnika, Benedikt Arbanasa i Benedikt Krajačića. Iz glasa vindàT pogibelji zmutne ljuctva iz pričete konškripcije povrnuli su se, i ona je ostavlena. Za vrednu kraljevskoga hercega Jožefa svadbu vsi podložni orsagi i podložniki dostojno pripravljali su se. Za iti po hercezicu zaručnicu vu Parmu herceg Liechtenstein"

9 odlučen je, koteri neispisanu paradu je vučinil i vu mesecu juliuša vu Parmu odišel. Ž njim da idu za inaše hercezice mladenci iz vseh orsagov zebrani bili su. Iz našega orsaga sin g. prezesa tabule judicijarske Ignaci Magdalenić iz akademije bečke, Emanuelis zvane, zebran i išel vu Parmu je. Ovum prilikum izdignena i napravlena je kompanjija iz poglaviteh mladencev vu Beču, za stražu i na službu hercega korune Jožefa. Koja turma pretoriana ozava se. Vsaki vu nje premišljavaše kot leitinant. Ove kapitan prvi postavljen ie grof Leopold Palffi od Erded, general marešal i korune vugerske čuvar etc. Kapitan leitinant grof general Januš Palffi, varmegje od Borsod supremus komeš, prve š i leitinant grof general Januš Rhédey, drugi leitinant grof oberstleitinant Januš Erdoedy. Za ovemi straža meštri tri, desetnikov 6, soldatov pako 120 zvan drugeh na službu ovem odlučeneh. Turma ova iz vseh vugerske korune stran je podignena i vsaka vsako leto varmegja za nje zdržavanje plaćati 85 Floriian Gal (Gaal, Gali). 88 De Zetthény. 67 Barun Anton Baythai. 08 Adam Frivaisz. 69 Princ Većeslav Liechtenstein.