VJESNIK 6. (ZAGREB, 1931.)
Strana - 67
vich, Stefan Loparich, Bias Subar, priszesni assessori i osztala kotara czvetkouichkoga uu jedinoszti obchina po ovom nassem odpertom lisztu vzem i vszakomu, koiem sze prisztoia, na znanye daiemo i valuiemo, kako vu lettu szada po naroienyu Kristussevom tekuchem 1764. dan 29. meszecza januariusza postuvani Thomas Mataszich doiduchi pred nasz doneszel ie sztanovitu signaturu illiti valas, drugach ios uu lettu 1761. dan 21. meszecza rosnyaku po goszponu Laczku Franchyaku z nassem dopuschenyem i ovdi vu Czvetkovicheh pred nami obchinum piszan, uu koiem sze ovak zadersava: Ja Mattias Battusich, vsze moie plemenite obchine i kotara czvetkovichkoga uu ovo vreme supan, vszem i vszakomu, koieh sze dosztoia po ovom moiem otvorenom lisztu na znanye daiem i valuiem, kako vu lettu szada tekuchem 1761. na dan 31. meszecza rosnyaka dosadssi preda me i osztalu moju plemenitu bratiu i obchinu czvetkovichku postuvani Peter Dixich, szuszed i brat nass obchinszki, z szvoiem sivem glaszom valuval ie, kako naimre iosche nyegovi negda pregyi sztanovita dva f alata nyhove sztarinszke szenokosse na koszacz pet, drugach ovdi vu kotaru nassem czvetkouichkom prisztoialischu Okicha i Keresztinëcz gradov i vu zagrebachkoi graczkoi megye zevsema buduche i leseche szadasnyega Tomassa Mataszicha pregyiem za rainchki szto i szedamdeszet bijasse zalosil, kaiti szada pako szpomenuti Peter Dixich napiszanomu Tomassu Mataszichu, nyegvem szinom Mikule i Iuriu kakoti i sztrichichu Gerguru nyh osztanku i po osztanku osztanku muškoga naime szpola na veke i ovak vekovechnem i nigdar neodezvanem zakonom odpuscha i valuie, kako ti odpusztih i valuval ie nistar szebi niti szvomu osztanku vu takoveh szenokossah prauicze niti lasztovischine ne zadersavssi nego vszu moguchnoszt i oblaszt, koiu ie on vu ovakoveh szenokossah imal, na rechenoga Thomassa Mataszicha i nyegove gore napiszane prenesze, preposztavi i prepiszati vuchini. Koiem falaczem szenokoss, a naimre pervomu ovako sze megye nahode: od szunchenoga izhoda Jureta Faiticha, od pol dneva obchinszka szenokossa, od zahoda voda Bresztnicza, od szevera napiszanoga Faiticha szenokossa; drugomu falatu od izhoda voda Bresztnicza, od poldneva szenokossa Kelechkova, od zapada szunchenoga Susakova, od szevera Paulakovicheva szenokossa. Na pervom nistar manye falaczu žalosne summe szto i deszet, dico 110, na drugomu rainchki szestdeszet, dico 60, nahodi sze. Nistar manye od oveh falatov szenokosse napiszani Tomas Mataszich i nyegov osztanek vszako letto polag navade ovoga kotara med obchinu grossi deszet, tho ie od vszakoga koszcza grossa dva davati dusen bude. *
