ARHIVSKI VJESNIK 17-18. (ZAGREB, 1974-1975.)

Strana - 55

Che cadaun quando tuoi el pan debia dar uno soldo. Capitolo .LUI. Uolemo che cadaun nostro fradelo et sorela, tanto nobele quanto innobele, tanto mascolin quanto feminin, el di de santa Maria Candalora quando tuoi el so pan et candela benedeta ouer manda a tuor, cadaun debia dar ai nostri scriuani uno soldo de lemosina, et queli che non dara uno soldo non gli sia da ne pan ne candela. E quelui che non tora ouer non uora tuor el suo pan necandela ne dar uno soldo de lemosina, sia puntada la sua tauolela de quel soldo solamente, i qual denari volemo sia dispensadi per i nostri prochuradori et guardiani per tempi congrui. In questo modo quando achadi ala nostra schuola acompagnar algun corpo morto perfina la sepultura secularmente, tantum a chadaun nostro fradelo chi a quel corpo morto portara dopieri debia auer uno soldo per homo. Euolemo che cadaun fradelo, tanto nobele quanto innobele, uestido in tonega stia a quela bona obediencia comò dixe la nostra mariegola, che quando el guardian nostro o altri in suo luogo comandase ad algun fradelo portar la santa croxe o dopieri o sacheti o corpi morti o cantar laude o algun altro seruixio necesario ala nostra schuola, nigun sia tanto presumtuoso che dicese de no, sutu quela pena che se contien nel capitolo del uestir et spoiar. E nigun sia tanto presumtuoso che domamdase o procurase dai prochuradori o dal guardian o da nigun altro officiai nostro pagamento corporal ne picolo ne uerun premio per algun modo, sutu pena d'eser priuado dela nostra schuola e mai più remisso, si prima el non Paga soldi .XL. de p(icoli) in bursa dispensatoria. Solamente volemo stia in discrecion del guardian nostro e di quel eh' in suo luogo fusse far cortexia a quelui che porta el penon dela santa croxe, et a nigun altro no. E quando prochuradori, guardian, scriuani contrafacese a questo ordene cenca licencia de tuta la congregacion nostra, sia dischazadi dela nostra schuola nel complimento del suo officio e mai più remesso, se prima el non paga in bursa dispensatoria l(iure) .V. de pi coli. Che i procuradori, el guardian debia far JIII. uolte la examinacion. Capitolo .LIIII. Uolemo che i nostri prochuradori et guardiani siano tegnudi tuti in simul de compagnia far quatro uolte la examinacion de puntadure, che se contien in la nostra mariegola et altri excesi et condenar queli, zoe la prima examinacion sia i do zorni sequenti da può la Natiuita de Christo, la seconda examinacion sia i do zorni sequenti da può la Resurection de Christo, la terca examinacion i do zorni sequenti da può la Pascha rosata, la quarta examinacion la prima et la seconda domenega de otubrio, non esendo altro impedimento più necesario, sutu pena a cadaun prochurador et guardian de soldi .XL. per cadaun contrafaciente. E de questo capitolo sia executori i nostri superiori. E volemo che tuti fradeli et sorele, tanto nobeli quanto innobeli, tanto mascolin quanto feminin, cadaun sia tegnudo infra el dito termine ouer al dito termine vegnir a dichiarir le suo puntadure dei defeti i qual auese comisso de suo spontanea uolunta o negliencia. Caxo si '1 non uegnira e per lui sera mandado, volemo che tute le puntadure, iuste et iniuste, che farano i diti officiali sia ferme e ualide. 55