ARHIVSKI VJESNIK 17-18. (ZAGREB, 1974-1975.)

Strana - 38

schandalo e maliuolencia, anci utile spiritual et obediencia digna cognosendo sera in lei. Esendo tuti fradeli conformi et unanimi, siali adimplida la soa deuocion pagando ai nostri procuradori ducato uno d'oro o la vaiuda o bon pegno. Et per i nostri scriuani siali leto tuti capitoli dela nostra mariegola che apertien (!) ale done. E darli sacramento che diligentamente iusta suo possa oseruara tuti queli capitoli che apertien ale done. Et de comandamento dei nostri procuradori i nostri scriuani debia notar in la nostra mariegola el nome dela intrante sorela nel numero dele done, el qual non uolemo abia numero terminado, ma cenca numero. Modo acetar done religiose per nostre sorele. Capitolo .XI. Qualuncha dona religiosa o monacha o rinclusa ouer d'altro ordene, che fusse suzeta ala obediencia del so superior, auese deuocion intrar in la nostra schuola a participar e galder i beni spirituali i quali se fa et adopera in la nostra schuola, primo per suo comisso se debia presentar el di ordinado che sera ogni domenega nouela a tuta la congregacion che in quel di se atrouara, i qual tra loro diligenter debia examinar la deuota che intendi intrar in la nostra schuola. Si le de bona condicion sugieta et obediente al suo superior et viue in timor de Dio, esendo tuti conformi et unanimi, siali adimplida la soa deuocion, dando e pagando ai nostri procuradori ducato uno d'oro o la vaiuda, i qual procuradori debia cometer a uno dei nostri scriuani o a qualche altro nostro fradelo del numero de cento e .X. de bona et honesta condicion -che con la dita deuota debia conferer et a quela inponer in suo bona consiencia, che iusta suo possa deuotamente ogno zorno pregara Dio per aneme de tuti fradeli et sorele viui e morti. Specialmente quando sentirà la morte d'alguno nostro fradelo o sorela, debia pagar per anima sua infalanter tanto quanto se la fuse personalmente a quel osequio. Et quando ai diti nostri procuradori el comisso per lor mandato auera refendo che la deuota a promesso tutto como de sora de loro comandamento, i nostri scriuani debia notar el nome dela intrante in la nostra mariegola nel numero dele done, la qual volemo che a tuti pagamenti comuni et colte la sia obligada como altre sorele secular dela nostra schola. E volemo che la nostra schuola sia obligada el suo corpo morto fina la sepultura secularmente. E volemo per carità et deuocion de quela, la prima circha che fara la nostra schuola uestidi in tonege da può la soa morte in quela giexia ouer cimitorio doue el so corpo morto fusse sepelido, sora el monimento et atorno de quelo tuti fradeli se debia meter in zenochion con candaloti in man inpiadi et li far le suo oracion et cantilene per anima soa, se et inquanto auera dato et consegnato al officio del nostro guardian una soa propria tonega complida. Modo acetar mascolini et femini sul punto dela morte. Capitolo .XII. Si alguna persona in general, tanto nobele quanto innobele, tanto mascolin quanto feminin, sul punto dela morte auese deuocion intrar in la nostra schuola, sia acetado et siali adimplida la sua deuocion e sia notado el suo nome in la nostra mariegola con tuti modi et ordeni de cadaun nostro vero fradelo, con questo che si el deuoto uol el sia sepelido e honorado el 38