ARHIVSKI VJESNIK 17-18. (ZAGREB, 1974-1975.)

Strana - 39

suo corpo morto dela nostra schuola como i altri corpi morti dei nostri fradeli, tanto nobeli quanto inobeli, uestidi in tonege, cantando le laude, portando la santa croze con el penon dei morti, con dopieri e candaloti in man, excepto la lemosina de uno soldo non sia dada, quela tal persona debia dar et pagar ai nostri procuradori l(iure) .XXV. de p(icoli). Et si deuoto uolesse solamente participare i beni spirituali como i altri nostri fradeli e uolesse solamente et suo corpo morto dela nostra schuola fussi acompagnado secularmente non ustidi de tonege, solo modo con dopieri et candaloti in man, excepto lemosina de uno soldo corno de sora, debia pagar l(iure) .XV. de p(icoli). Item si alguna persona, tanto nobele quanto innobele, tanto mascolin quanto feminin, volesse algun corpo morto d'alguno so parente o amico fusse honorado et acompagnado dela nostra schuola per fina ala sepultura, vestidi in tonege, con tuta la solempnita che se fa sora algun corpo morto de cadaun nostro fradelo, excepto non sia dado el soldo de lemosina, debia pagar l(iure) .XV. de p(iooli). Item sia alguna persona uolesse alguno corpo morto de suo parente 0 amico fusse acompagnado et honorado dala nostra schuola fina la sepultura secularmente, non uestidi de tonege e non dando el soldo de lemosina, solo modo con dopieri e candaloti in man, debia pagar l(iure) .VI. de p(icoli). Intendando che i nostri procuradori prima se faza securi, altramente intendimo che i diti procudori (!) con i suoi proprii beni paga perfina uno mexe da può che sepelido sera el corpo, suto pena d' eser priuadi dela nostra schuola e mai più remisi se prima non paga in comun dela nostra schuola primo 1 dinari che se conten in questo capitolo et per pena de cadaun soldi .XL. de p(icoli) in bursa despensatoria. Modo et ordene sepelir i morti. Capitolo .XIII. Uolemo che quando morisse alguno dei nostri fradeli, tanto nobeli quanto innobeli, tanto mascolin quanto feminin, i nostri oficiali sia tegnudi iusta suo possa in suo bona consiencia far noticia a cadaun nostro fradelo, tanto nobele quanto innobele, tanto mascolin quanto feminin. E tuti queli ai qual i nostri officiali fara noticia ouer auera sapudo d' alguna altra persona, cadaun fradelo e sorela sia tegnudo in suo bona consiencia de vegnir acompagnar quel corpo morto fina la sepultura, secondo e corno sera ordinado et mandado per i nostri procuradori e guardiani, o secularmente o vestidi in tonege. Dichiarando quando fussi comandado vestirse in tonege, sia oseruado el capitolo del vestir e spoiar. E quando e comandado secularmente, cadaun fradelo e sorela, tanto nobele quanto innobele, tanto mascolin quanto feminin, debia portar uno candaloto in man che li sera dado dai nostri officiali et debialo inpiar et smorzar a ora e tempo secondo uzanca. E può che sera sepelido el corpo morto, cadaun dei nostri fradeli et sorele in general con candaloto in man smorsado debia andar a dritura verso la nostra giesia ouer capela doue e la nostra residencia, et li lasar et consegnar el candaloto ai nostri officiali e leuar la soa tauolela et dar uno soldo de lemosina. E si alguno nostro fradelo o sorela, tanto nobele quanto innobele, tanto mascolin quanto feminin, sauesse per i nostri officiali la morte del nostro fradelo o sorela, esendo in la cita de Sibenico e non uegnise ad acompagnar quel corpo morto per fina la sepultura, comandemo che i nostri scriuani debia puntar cadauna tauolela non leuada primo el punto de uno soldo de lemosina, secondarie per pena soldi .X. de picoli per cadauna uolta, ai qual puntadi sia reseruado si algun 39