ARHIVSKI VJESNIK 17-18. (ZAGREB, 1974-1975.)
Strana - 131
Actor dicit quod domini In causam attracti debebant propositiones eorum singulam eorum fundasse distinctim super vetustiori videlicet Articulo, qui se ad minorem poenam extendebat, vel novo in quo maior poena, nempe vivum homagium coloni est expressa, quo iudex scire posset iudicialiter contra colonos procedere. In causam attracti priora pro repe(ti)tis habere volunt et dicunt se hic nullos Articulos videre, sed usum Regni hactenus observari solitum novisse et propterea poenam postulari sub qua colonis labores iniuncti fuissent. Deliberatum est stare propositionem In causam attractorum et quod postquam domini In causam attracti acquirunt poenas omissionum laborum tot dierum uti in propositione eorum extat, producant Articulum Regni super huismodi poenis editum, ex cuius Articuli editionis tempore apparebit, non minorem priori aut maiorem poenam in novo Articulo expressam solvere coloni debeant, quod ex collatione temporis licentiationis et editionis Articuli praemissi apparebit. In causam attracti protestantur super deliberatione et repetunt quod birsagium declaratum non penes Articulum, sed penes iussionem sub tanta poena et usum Regni se postulasse, quod ad iniunctum specificum birsagium attinet, id officialis iuramenti medio liquidari poterit, quod ad usum Regni et determinationem regnicolarum attinet id recognitioni sedis submisissent. Dominus Actor protestatur solenniter super eo ubi domini In causam attracti laboratorum poenam praetensorum per colonos neglectorum uti ipsi allegant, non vigore istius Regni Sclavoniae Articuli, sed per ipsos solos impositam postulant, quod postulatio huiusmodi non tenet nec iudex nobilium cum iurato birsagium per In causam attractom impositum adiudicare posset ideoque hic adiudicatam poenam cassali debere. In causam attracti dicunt se birsagium tale a colonis postulari sub quali eis iniunctum fuisset, ipse dominus Actor, si hanc poenam Articulorum aliquos excedere putat doceat. Idem est iudicium ut supra, videlicet ut producant Articulum, iussa autem sub birsagio fieri solent et bene iusserunt sub eodem birsagio ex quo quantitatem poenae non excedat illud. Actor protestatur super deliberatione et dicunt quod dominus Lector proprio ore verba et postulationes praemissorum birsagiorum proposuit, nempe quod non iuxta Articulum Regni Sclavoniae, sed impositionem propriam birsagii ad labores ipsos colonos ire iussissent et petit hoc ipsum hic consignari. Dominus Lector non admittit, quia ipse non ageret sed procurator Andreas Draganych. Iudex dabit testimoniales sub sigillo super praemissa domini Lectoris assertione, nam dominus Lector non esset Capitulum neque procurator eius, sed Andreas Draganych cum eorum, uti est in primordio processus. Actor protestatur super deliberatione et appellatione. In cousam attracti protestantur quoque super praemissa deliberatione et quod ad deliberationem super productione Articuli attinet, putarent In causam attracti id domino Actori incumbere, qui Articulorum de birsagiis meminisset, ipsos autem In causam attractos et authoritatem domini sui in colonis et usum Regni hactenus observatum aspexisse; nihilominus pro meli ori informatione sedis ut appareat ipsos In causam attractos sub convenienti nec iuribus Regni praeiudicantibus birsagio operas colonis iusisse (!) producunt, in quo Articulo conclusum est, birsagium posse iniungi colonis pro talibus operis dumodo vivum colonorum birsagium non excedat. Dominus Actor solenniter protestatur super allegatis et productione Articuli et petit paria Articuli producti modo collaterali sub sigillis iudicis nobilium et iurati et petit saniorem deliberationem super praemissis allegatis per dominum Lectorem in eo quod dominus iudex cum iurato in 131
