ARHIVSKI VJESNIK 17-18. (ZAGREB, 1974-1975.)

Strana - 117

Rozowych de Adamowcz et Matthia Gluhak de Sawlowcz iurato comitatus Zagrabiensis, praesentibus egregio Ioanne Pethó de Gerze vicecomite, Moyse Zaboki et Ludovico Bedekowych iudicibus nobilium comitatus Warasdinensis, Francisco Medosoczi vicecomite, Petro Polchych iudice nobilium, Georgio Kaznar viceiudice nobilium, Ioanne Samsinoczy notario comitatus Zagrabiensis, Gregorio Sugnetych, Stephano Pezeri, Nicoiao Megurechky, Thoma Ztresemlyey, Nicoiao et Sigismundo Mikuwlych de Brukunocz, Gaspare Dobrenycz, Thoma Wajdych, Michaele Galowytth, Paulo Letenei, Nicoiao Tremecz, Nicoiao Zenko, Gregorio Jagatych et Georgio Wrnoczy ac aliis iuris peritis viris, in quorum iudicium ambae partes consenserunt. Pro Domino actore, videlicet comite a Zrinio, Stephanus Domyanych cum eiusdem petit iuxta deliberationem sedis celebratae feria secunda proxima post Dominicam Iubilate recens praeteritam in civitate regia Zagrabiensi comitatus Zagrabiensis illos quatuordecim colonos extradari, nempe providos Lucam Ztublych, Iacobum item Ztublich, Matthiam Ivanych, Michaelem Jaksych, Michaelem Jemryskowych, Georgium Preznecz, Jantol Malchych, alterum Antonium Marekowytth, Emericum Pavlekowytth, Franciscum Zrinszschak, Lucam Tomkowytth, Ioannem Merdetych, Valentinum Kusnych, insuper etiam Paulum Zlawych koga zw dobrowolyno van daly, vigore articuli de ablicentiatione colonorum editi, ex bonis dominorum Capituli in litteris adiudicatoriis specificatis ad bona dicti domini actoris, ad bona Bosyakowyna eiusdem in hoc comitatu Zagrabiensi. In causam attracti dicunt per procuratorem nobilem Andream Draganych cum eorundem cum protestatione in superiori processu denotata et petunt colonos petitos nominatim praesentari. Actor dicit non teneri praesentatione coram praesenti sede, qui essent apud eorum residentias, quos petunt extradari. Deliberatimi est praesententur quia necesse est scire nomina et cognomina colonorum, quia plerique eodem nomine et cognomine vocitari solent. In causam attracti dicunt ulterius cum protestatione ut ipsi iterum praesententur iuxta deliberationem et dicunt colonos, qui in actione huius causae nominati sunt et postulati per dominum actorem se eosdem daturos extra benevole, prout et antea se se obtulissent, solutis solvendis, quae autem eorum debita, neglectus, contumaciae et aliae iniuriae per eos commissae a die licentiationis usque in diem cessionis appellationis ea in parte et (a die brevium iudiciorum domini Vicebani termini supra scripti per dominum actorem usque in diem hesternum et a die hodierno si quae contigerint usque extradationem quae suo loco videlicet tempore extradationis postulabimus) subiungemus. [Primus] Et inprimis Lucas Ztublych contumacia ductus iussus sub birsagio florenorum hungaricalium duodecim pro singulis vicibus seu diebus a die in diem ut supra praetermisit dies laborum sibi commissorum sub dicto birsagio nonaginta unum. Praeterea anni 1608. tenetur porcum decimalem unum. Item taxae florenum unum, decimae tritici quartam mediam, milii quartalia tria et anni 1608. Item taxae florenum unum et ordinarii denarios 40 anni praesentis. Quia autem plerique colonorum praenominatorum damna et violentias non per se soli, sed cum aliis, hoc est pluras fecerunt, ideo imposterum etiam allegabitur quod necesse fuerit et petunt ratione praemissorum delictorum et neglegentiarum nec non debitorum eundem convinci iuxta statuta Regni. Procurator domini actoris cum ea protestatione ne sedis deliberationi praemissae postulationes dominorum in causam attractorum aliquid praeiudicarent, dicit quod colonus denotatus multis aliis solitis servitiis dominis in causam attractis ab antiquo teneretur praestare infra denotanda; et imprimis tene117