ARHIVSKI VJESNIK 16. (ZAGREB, 1973.)
Strana - 83
1656. I 9. 17. Predijalac Mihalj Bešenić opravdava se pred Zagrebačkim kaptolom od optužbi da je podsticao podložnike iz Varaždinskih Toplica na borbu za njihove stare pravice. Zlusba moia ponizna da ie vase milozti gozpocztvu preporwchena kako moie wazdar miloztivnoi gozpode. Razumel zam od nekoterih da ze moia miloztiva gozpoda na me ziromaha poteschavate y zerdite zaradi nekakoveh puzteh pravicz, za kotere ia nighdar nezem znal ny videl, niti nighdar vu moieh rukah dersal y da bi ia vu gradu vase milozti gozpocztva Toplichkom zvaial Toplichancze y zpravische s nimi chinil y goztuvanie napravlial vu gradu vase milozti gozpocztva y kako bi ie mogli potverditi y czeszarove zvetlozti poiti na potvergienie, cheza nighdar nezem mizlil, kak miloztivni Gozpodin Bogh zna, y nigdar mi ne bilo na mizli, ne kai bi ia tho hotel vuchiniti, negho nekoteri moii dobri pryatel koteri mi ne seli nikakova dobra od moie miloztivne gozpode ie me obnezel pry vase milozti gozpocztvu, a tho ako ze naiđe, moia miloztivna gozpoda, da bi ia tho chinil, pravicze od Janka Velikogha vuzel, tolnache chinil, Toplichancze vu gradu vase milozti gozpodcztva zpravlial, vu niem ze s nimi ghoztil, tako nay bude ne za pogublenie moiegha praedioma y zavol ziromashtva moiegha, negho zem ovo z glavom moiom, zakâi szu mene Toplichke pravicze, imam ia dobre pravicze od vase milozti gozpocztva na moie ziromashtvo y nebim ze doklamghoder veren y zahvalen budem vase milozti gozpocztva, a pervo negho tho vu chim hochiu raishi glavu moiu pogubiti, negho wzem nezahvalen biti moie miloztivnoi gozpode, y nai mi pozvedochi y nazochi pove, koteri ghoder vase milozti gozpocztvu na me tho izto povedal, da bi ia takow bil, wzeghdar szu moii ztaressi kako vase milozti gozpocztvo znathe, nadvorniu bili y ia doklam siwu budem s moiom dechiczom hochiu wzegdar nadvorbu bithi; zatho prozim moie miloztivne gozpode da bi z menom prevideli y mene vu miloschiu zvoiu pryeli, od kotere moie miloztivne Gozpode hochiu miloschiu chakati. Z tem vasu milozt gozpocztvo Gozpodin Bogh zdravo y vezelo dersi na ovom mladom lethe. Vase milozti gozpocztva ponižen y pokoren zlugha y podlosnik Mihall Bessenich. Ad Venerabile Capitulum Almae ecclesiae Zagrabiensis Dominos Dominos mihi semper gratiosissimos supplicatio humillima. Dodano u kaptolu: 1656. 9. ian. praesentatum. Kaptolski arhiv u Zagrebu, ACA, fasc. 59, 1/9 1656. I 17. 18 ' Seljaci iz Varaždinskih Toplica opravdavaju se pred Zagrebačkim kaptolom zbog nedolaska na sud u Zagreb. Zlusba nasa ponizna y pokorna da ie vase milozti gospocztvu ponizno preporuchena kako nase vazdar ufane y miloztivne gozpode. Toliko nam sze besse potrebno k vase milozti gospocztvu wtechi i moliti, kako nase vazdar ufane y miloztivne Gozpode, da bi nam sziromahom tho 83
