ARHIVSKI VJESNIK 16. (ZAGREB, 1973.)
Strana - 76
1655. XII 30. 10. Toplički kaštelan Nikola Bahat izvještava Zagrebački kaptol o izbijanju seljačke bune u Varaždinskim Toplicama. Zdravie i vzako dobro selim vase milozti gospocztvu na ovom zvetu imati Potrebno mi besse pred vase milozti gozpocztvo dati, ova zlocheszta duguvania i nezrechna, ovo i veszda vsze vech ter vech zkupa ze zpravlia, Tuhovchanczi vzi szu zkupa s nimi, a Zopich Andras on im je vzem glavar, y Kirin ztaroga porkulaba zet, i Krali onem vzem zapoveđaju ter zkupa z Huzove hise, zetom Huzovem po imene Kovachem, i vezda one dve zele nezu nistar zuprot vase milozti gospocztvu niti zuproti mene ziromahu junaku po imene Lezkovecz y Zvibovecz. A v tonach idu vszaki den ter ze zpravliau vu zaztavnikovu hisu y vu ztaroga porkulaba zeta i vu ztaroga Spoliara y vu Zvechevu onde mi na zramotu vsze huskaiu y kada ie vidim prehaiaiuch po ieden po dua oburusni i govorim im ovako, chemu vam ie to moja bratia chiniti zuprot zvoie gozpode miloztivne ar vam nigdar nikakove krivicze ne chine gozpoda y pravdene zvoie dezetine ne vzemo kai bi nih gospocztva islo a oni moja gozpoda mene na to odgovariaiu zakoi naz i z nimi po nochi lovite ja zem im rekel nezu li vredni gozpoda zvoga podložnika vzegdar vloviti koi ie kai kriv, a oni zu mene moia gozpoda odgovorili da ze ne dadu loviti i odidehu vezda gore Kerpachichu po imene Buianecz i Matekovichin zet i nekakov koi ie vezda z Zizka dossel, Borsicheukia zluga ie pervo bil. Nego moia gozpoda setuite zimo za Bosiu voliu i daite im vase milozti gospocztvo po nozu, ako li moia gozpoda ne (daie)te im po nozu ztanovito ze hoche vze okolu ta puntaria vchiniti, a moia gozpoda nim ze to lehko vchini ar vzeh ne bi bilo dozt dezet puskarov kako onde v Topliczah y Vukovchanczi i z Gredli vkupa ar ie y Stephan Gredel z nimi, a prizegel ie pred menom da ne malo ni vnogo on z nimi bil, nego setuite moia gozpoda szimo kako vaz opaze taki vzi sirom pobese y z onoga ie vzega nistar, vu pali zte ze moia gozpoda vu Drenovchane, a on zlochesti Zabol teri ie podignul zobum one, nego zamo ziromah Pozavecz ne ni Luka, zval zem ie pred ze i nie gda zem videl gda zu isli med one druge y pital zem ih y pozlal zem Rihtara i Janka moga diaka, kai ovde vi chinite onda ie rekel Zabol kai druga obchina to y mi, hochemo s nimi vusiti i vumreti, z tem vase milozsti gozpocztvo zdravo i vezelo gozpodin Bogh dersi na vnogo dobrih leth. Datum in Termis die 30. Decembris. Vase milozti gospocztva zluga naimensi Nicolaus Bahath castellanus Toplicensis. Kaptolski arhiv u Zagrebu, ACA, fasc. 59, nr. 1/5. 11. 1655. Bilješke kaptolskog službenika o pripremanju bune u Varaždinskim Toplicama. 1655. 1. Toplicenses oppidani, in castello Toplikae habuerunt consilium, ratione rebellionis excitandae. 76
