ARHIVSKI VJESNIK 16. (ZAGREB, 1973.)

Strana - 34

comitatus Crisiensis salutem et graciam. Exponitur Maiestati nostre in personis fidelis nostri egregii Nicolai Kerhen de Belosowcz ac generöse domine Sophie de Berschyanowcz relicte videlicet egregii condam Nicolai Akacii de Zenthlelek, filie videlicet alterius condam Nicolai Thurbelthffy de dicta Berschyanowcz, quod cum hiis superioribus diebus homines et familiäres egregiorum Balthasaris de Bathyan et alterius Balthasaris de Alap, dictorum Regnorum nostrorum vicebanorum cum quodam viceiudice nobilium prefati comitatus Crisiensis cum pro exaccione presentis subsidii Maiestati regie et ad castra finittima in isto Regno nostro Sclavonie pridem oblati, turn eciam pro exigendis aliis pecuniis ad racionem dictorum Regnorum deputatis et similiter oblatis ad quedam bona praefatorum exponencium transmissi fuissent, ubi videlicet prout et quemadmodum ipsis exponentibus dictum extitit, commocio quorundam rusticorum sive popularium facta fuisset eosdemque homines dictorum vicebanorum et viceiudicem nobilium a talismodi exequucione repuleriat, tarnen non de commissione scituque et voluntate ipsorum exponencium ea patrata fuissent, sed ex proprio eorum motu commocio ipsa facta extitisset et quamvis praefati exponentes ex parte eorundem iobagionum suorum, si qui videlicet contra dictos homines vicebanorum et viceiudicem nobilium dicerentur insurexisse iuxta continencias decretorum huius Regni superinde editorum iudicium et iusticiam facere et impendere parati fuerint, prefati tarnen vicebani et iudex nobilium in iam prefata congregacione generali regnicolarum prefati Regni nostri Sclavonie Crisie celebrata, eciam ex parte prefati Nicolai Kerhen et annotate domine Sophie exponencium iudicium et iusticiam habere volencium, eisdem iuramenta quinquagesimose nobilibus de ipsorum innocencia vigesimo quinto die festi Epiphaniarum Domini proxime venturi contra partes adversas deponendo adiudicassetis universosque colonos eorundem exponencium manibus prefatorum vicebanorum ac iudicis nobilium tanquam innocentes (!) dandos et assignandos fore decrevissetis quod directe contra iura dictorum Regnorum et libertatem dicti Regni Sclavonie vergeret et cederet. Unde supplicatum extitit Maiestati nostre pro parte eorundem exponencium, ut ipsis superinde de opportuno remedio providere dignaremur. Nos itaque accepta et intellecta supplicatione eorundem nolentes eosdem Nicolaum Kerhen et dominam Sophiam exponentes sine quorum ut dicitur scitu prefata commocio facta fuisse dicitur, indebite opprimere pati dictosque iobagiones dictorum exponencium ex improviso alienari ab eisdem. Id eisdem annuimus et concessimus ut ipsi in facto dicti iuramentalis deposicionis per vos, ut dicitur ipsis, in causa premissa adiudicate novum iudicium a vobis recipere de prescriptisque iobagionibus ipsorum in facie bonorum suorum, coram uno iudice nobilium dicti comitatus Crisiensis iudicium facere valeant atque possint. Quare volumus et fidelitati vestre harum série firmissime committimus et mandamus, quatenus causam premissam per vos in facto prefati iuramentalis deposicionis latam, non obstante priore adiudicacione vestra et processibus eiusdem singulis hucusque qualitercumque sequutis in prima Congregacione regnicolarum prefati Regni nostri Sclavonie rursus in vestri presenciam reassumere auditisque prefatorum exponencium et iam dictorum vicebanorum et iudicis nobilium, novis proposicionibus et responsionibus secundum Deum et eius iusticiam denuo et ex novo revidere et readiudicare, prefatumque iudicem nobilium illius comitatus Crisiensis ad faciem bonorum ipsorum exponencium transmittere debeatis, coram quo dicti exponentes de dictis iobagionibus ipsorum si scilicet qui rei inventi fuerint dictis vicebanis et iudici 34