ARHIVSKI VJESNIK 4-5. (ZAGREB, 1962.)
Strana - 108
3- ich. Ako bi sze vsze potrebno drevo za izte ladje vu kaptolomzke shume znaiti ne moglo, kaj vu vremenu, kaj bersse obznaniti mora naistor officerom gospoczkem, tak onda izti maistor dussen bude z pilyari i kmeti vu druge takai loze, kam mu po szlavnoga Kaptoloma officzereh recheno bude iti, y onde potrebno drvo za ladje pripravlati dati. 4- ich. Kak loza za ladje potrebna pripravlyena y k gradu Siszku zvosena bude, taki knenuvani maistor presz stente obodve ladje na jeden put delati zapocheti, i ne pređi, kak takove do chizta dogotoviti, i vu vodu zpuszti, k n3'oy vszake potrebnu navadnu jaku i sznassnu deregliju, anda zkupa dereglije dve, i chamcza takai dva do chizta dogotoviti, zaidnich i jednu ladju ribariczu 3 klaftra dugu, pol klaftra naimeinye shiroku, i mali chunich za tri ljudi nosziti, za Banat dogotoviti, delo oszataviti bude szmel pod kastigu jezero rainisskov szrebra, koje presz vszake pravde platiti bude moral. 5- tich. Ako bi sze po nemarlivozti iztoga maistora budi pri pileinyu loze, budi pri đelainvu ladjih kakovgoder kvar pripetil, ali ladje dobro i presz falinge dogotovlene ne bile, tak vszaki kvar izti maistor szlavnomu Kaptolomu tak, kak i vsze ztrosske presz vszake pravde platiti bude moral, iztu svoju perssonu i vesz gdegoder imani szvoi imetek za szegumozt szlavnomu Kaptolomu zavessujuchi z ovum pogodbum. 6- tich. Wnogoput zpomenuti maistor dusen bude vsze orudelje za ladyh delainye potrebno, izvun shirochkeh i szekir koje tessaki imaju moraju, szvoje dati do koncza delà. Od druge pako ztrani. 7- mich. Ja Joseff Pucz zavesujem od ztrani Kaptoloma Zagrebechkoga na delo zpomenuteh ladyh, kak loza zpilyena, y z foringami goszpoczkemi zvossena bude iztomu maistoru za delo vszake ladye dvadeszet, anda zkupa cheterdeszet lyudih dobro delati znajucheh, tak dugo za delo i pomoch dati, doklam ladje obodve, dereglije, chamczi, ribaricza y chunich do chizta gotova budu. 8- mich. Za obechem iztomu maistoru vsza druga takai potrebna materialia za izte ladje od vremena do vremena pribaviti y preszkerbeti. 9- tich. Zavesujem iztomu maistoru vu czelom vremenu prapravlainya materiala y delà ladyh kosstu, kak sze za nyega dosztoji, i vszaki dan tri holbe deszetinszkoga vina dati. Zaidnich 10- tich. Kada vsze zpomenutih ladyh delo do chissta dobro possteno dogotovi, ter kada delo previdyeno, y presz falinge znadyeno bude, iz casse szlavnoga Kaptoloma 550 f velim petzto pedeszet rainichki vu szrebru podpunoma zplatiti vuchiniti. Zverhu koje pogodbe ovak vuchinene ov Contrakt vu dveh jednakeh prepiszeh za obodveh ztrankih szegurnozt po meni Joseff u Puczu z lasztovitum rukum podpiszan, po maistoru pako piszati ne znajuchemu, z ruke szvoje krissom polok pridovka posztavlenyem, potverdyen je. Vu gradu Siszku dana 3-a decembra 1817-a. + Mikula Kozjak Pucz Joseff m. p. ladyh delà maistor kak zgora Kpt. arh. DSS 300. — 108 —
