Bács megyei püspöki körlevelek, 1933
- 19 Nr. 2385. Communio paschalis feria V. in Coena Domini et Sabbato Sancto. Nr. 2385/1933. Ddto 26. julii a. 1933. Sacrae CONGREGATIONI DE SACRAMENTIS ROMAE Civitas Subotica habet 85,000 Catholicorum, qui dispositi sunt per octo parochias et dimidium eorum non habitant in ipsa urbe, sed in dispersis allodiis, agrorum cultura occupati. In urbem solum ad negotia expedienda venire solent. Iisdem occasionibus ecclesias visitant et s. sacramenta suscipiunt. Rustici extravillani etiam feria V. in Coena Domini et Sabbato Sancio urbem ingredientes sacram confessionem peragunt et sacram Communionem accipiunt, quo etiam Communioni paschali satisfieri credunt, nec tempore paschali denuo ad mensam Domini accedunt. Propter dispositionem negotiorum suorum postulant, ut mane ante celebrationem missae vel post missam etiam feria V. in Coena Domini sacro Synaxi reficiantur. Firmo hoc usu etiam fideles in urbe habitantes his diebus et horis interpositis accedunt ad sacramenta, etiam cum intentione praecepto paschalis Communionis satisfaciendi. Sacerdotes vero timentes, ne extravillani rustici paschalem Communionem negligant, sacram Communionem sine discrimine omnibus distribuunt, etiam extra missarum solemnia. Usum esse antiquum putantes, populum in bona fide relinquunt: hoc modo paschali Communioni satisfieri. Usus hic etiam in aliis parochiis in- repsit. Subscriptus administrator apostolicus, quieta non movere cupiens, humillime rogat sacram Congregationem de Sacramentis, ut usum hunc in valore relinquere et concedere dignetur: ut in ecclesiis in civitate Suboticae et in aliis parochiis in regione Administraturae Apo- stolicae Bačiensis feria V. in Coena Domini et Sabbato Sancto sacra Communio etiam extra missarum solemnia possit distribui ita tamen, ut haec Communio etiam pro paschali Communione valeat. Ludovicus Budanović episcopus t. Cisamensis administrator apostolicus Bačiensis. SACRA CONGREGATIO DE SACRAMEN TIS Romae, 18. Augusti 1933. Num. Prot. 4501/33. Exellentissime ac Rme Dne, Quod attinet ad usum inolitum in quibusdam paroeciis istius dioecesis diribendi fidelibus SS. Eucharistiam etiam extra Missarum sollemnia feria quinta in Coena Domini in satisfactionem quoque praecepti paschalis, Sacra Congregatio declarat talem usum haud esse dif- formem a jure communi, dummodo S. Communio ne distribuatur postquam SS. Eucharistia delata fuerit ad altare speciale intra Missam pro adoratione fidelium. Quod vero spectat ad consuetudinem priori similem, quae pro Sabato Sancto viget, cum ipsa expresse non reprobetur can. 867, Ordinarius sese gerere potest ad normam can: 5. Cuncta fausta Tibi a Deo adprecor. Excmo ac Revmo . , , Ludovico Budanović Addmus servus Episcopotit.Cisamensi £). Jorio Administratori Ap. secr Bačiensi. SEGRETERIA DI STATO Dal Vaticano, Di Sua Santita die 2f februarii 1933. No, 120158. Da cistarsi nella risposta. Exc. me ac Rev. me Domine, Recens tuum in Ecclesiam benefactum Petriana scilicet stips (Din. 36,000) Augusto Pontifici abs te obsequenti animo missa luculenter ostendit, te in Petri Sedem observantia et studio insigniter affici. Ideoque mihi haud parvo oblectamento est tibi referre Sanctitatem Suam ultro ac perbenigne huiusmodi officium et munus excepisse. Apostolica Benedictio, quae tibi dioecesique tuae coelestia dona conciliat atque deproperat, tibi gregique tuo etiam significet benevolentiam et affectum, quem erga vos Summus Ecclesiae Princeps alit ac votis precibusque salutaribus depromit. Interea qua par est observantia me confirmare studeo Excellentiae Tuae addictissimum E. Card. Pacelli, m. p. Nr. 3992. Litterae Card. Status Secretarii.
