Bács megyei püspöki körlevelek, 1933

- 16

Consilium suum persequens rei sacrarum Indulgentiarum reformandae, cohaerenter cum iam latis identidem hunc in finem postremis hisce temporibus similibus dispositionibus, Sacra Paenitentiaria Apostolica, quo melius ordinentur facultates indulgentias adnectendi piis quibusdam operibus aut devotionis obiectis et alia quaedam analoga indulta, quibus privati sacerdotes saepe saepius donari postulant, de expresso mandato Ssmi Domini Nostri, sequentia statuit ac decernit:

Concessiones omnes et singulae, piis fidelium associationibus cuiuscumque nominis vel naturae, etsi forte sacerdotibus tantum constantibus, quovis loco aut tempore seu modo vel titulo hucusque factae, largiendi privatis sacerdotibus facultates et indulta quae sequuntur, nempe benedicendi devotionis obiecta eisque Indulgentias Apostolicas aut Sanctae Birgittae, ut aiunt, adnectendi — benedicendi coronas easque (quamque pro suo modo) Indulgentiis ditandi — benedicendi crucifixos ad lucrandas Indulgentias pio Viae Crucis exercitio pro legitime impeditis adnexas necnon ad plenariam in mortis articulo Indulgentiam acquirendam — impertiendi benedictionem papalem in fine concionum — concedendi indultum, quod dicunt altaris privilegiati personalis, praesenti Decreto revocantur.abrogantur atque omnino abolenturita ut ab huius ipsius Decreti evulgationis die omni prorsus vi c-reant omnique effecacia destituantur.

Qui, igitur, sacerdotes hac vel illa ex supra recensitis facultatibus aut hoc vel illo ex supra memoratis induitis posthac augeri cupiant, nonnisi directe atq>.e immediate a Sacra Paenitentiaria desideratam gratiam se obtinere posse sciant, oblatis toties quoties peculiaribus proprii Ordinarii ad rem litteris commendatitiis

Quod vero ad privilegia attinet quibusdam Ordinibus vel Congregationibus religiosis concessa benedicendi coronas easque ditandi Indulgentiis — adnectendi crucifixis Indulgentias Viae Crucis, in aliquibus rerum adiunctis etiam absque stationum percursu lucrifaciendas — stationes Viae Crucis erigendi, haec ipsis manent, ea tamen lege ut in posterum membra eorumdem Ordinum vel Congregationum uti eisdem valeant tantum personaliter, non autem ita ut ea concedere quoque possint aliis sacerdotibus ad eosdem Ordines vel Congregationes non pertinentibus: hi enim omnes facultates, usui talium privilegiorum neccessarias, tantummodo a Sacra Paenitentiaria, modo superius indicato, obtinere poterunt.

Suboticae, die 25. julii a. 1933.

Contrariis quibuscumque, etiam peculiari atque individua mentione dignis, non obstantibus

Datum Romae, ex aedibus Sacrae Paeni- tentiariae, die 20. Martii 1933.

L. Card. Lauri, I. Teodori,

Paenitentiarius Maior. Secretarius.

L. f S.

Nexu pmefati decreti Sacrae Poenitentia- riae renovatur et decretum h jus Ordinarii ddto 20 augusti a. 1930. in litteris Circularibus sub nro. 2185 emanatum.

Omnes facultates a Nobis usque ad finem mensis septembris a. c. duraturae concessae usque ad finem anni prolongantur et non renovatae exspirabunt.

Ad renovandas facultates pertinent:

1. Facultas missas iterandi in omnibus parochialibus ecclesiis et oratoriis sacerdotibus concessae;

2. jurisdictio et facultas praedicandi sacerdotibus qui ad Ordinarium ABAe non pertinent;

3. facultates absolvendi a delictis Ordinario jure communi reservatis, exceptis quae, mandato in Cire. Litt. a. 1926. pag, 19. II. 2. emanatae sunt et res sacras solemniter benedicendi, cui tamen subintelligitur, facultates a Sacra Poenitentiaria revocatas rescripto ejusdem jam exspiratas esse;

4. facultates sodalitia, uniones,piaseteonfra- ternitates fundandi etiam Auctoritatibus aliis concessae quae tamen ab Ordinario probandae sunt:

5. facultates elemosynas in territorio ABAe colligendi, religiosis utriusque sexus vel laicis sive nostris fidelibus sive alienis concessae;

6. mandata ab Ordinario emissa moderandi Congregationes B. M. V. associationes catholicas, et facultates unionibus laicis nomen dandi et exercendi saecularia officia quae in Can. 139.—142. vetantur;

7. facultas libros prohibitos legendi et in redactione foliorum cooperandi.

Omnes hae et aliae facultates, dispensationes et concessiones a nostris praedecessoribus concessae jam anno 1930. citato decreto revocatae et revocatae habendae sunt, a Nobis autem elargitae usque ad finem anni currentis denuo peti, notificari vel prolongari debent.

Per se intelligitur quod in superioribus facultatibus revocatis jurisd etio et missio curiae ABAe et cleri Curati non comprehenduntur.

Ludovicus Budanović

Episcopus,

Apostolicus Bačiensis Administrator.

Decretum de facultate indulgentias adnectendi piis operibus.

Nr. 2775.

Nr. 2760.

Renovandae facultates ab Ordinario concessae.