Bács megyei püspöki körlevelek, 1933
7 Iuxta s. Can. 340. omnes episcopi tenentur singulis quinquenniis relationem Summo Pontifici facere super statu dioecesis“sibi commissae, eoque annoquo relationem exhibent, tenentur ad Urbem, beatorum apostolorum Petri et Pauli sepulchra veneraturi, accedere et Romano Pontifici se sistere. Praescriptis ss. Canonum obtemperaturus die 16. maji Romam proficiscar et rogantur RR. DD. curiones ut praevie edocto populo illo die mane hora 8. per mediam horam omnibus campanis pulsari procurent. Suboticae, die 16. április a. 1933. Concursus ad seligendos iuvenes, spei bonae, pietate et ingenio praestantes, e dioecesi oriundos ad clerum indigenum creandum praesentibus indicitur. Parochi, parentes, professoresque religionis discipulos et filios suos et edocere et adhortari officii esse noverint. Inter alumnos Seminarii Minoris asciscentur discipuli, qui classes IV., V., VI., VII. cursus gymnasialis cum bono successu persolverint; ad studia Theologiae vero iuvenes examine maturitatis praediti admittentur. Alumni gymnasiales integra expensa, immediate ad Travnik mittenda, clerici ss. Theologiae studentes dimidiam partem provisionis solvere debent. Parentum erit curam habere vestium, librorum et aliorum mediorum discendi, lavandi et medendi. Ad concursum documenta sequentia requiruntur: 1. Libellus supplex iuvenis et declaratio parentum. 2. Extractus ex libris Baptisatorum gratis et sine tymbris ab officio parochiali exaratus. 3. Testimonium de bonis moribus sive a parocho sive a proprio catecheta. 4. Testimonium primi semestris in copia subsignatum a parocho vel catecheta. Omnia documenta ante diem 10. mensis junii ad Curiam ABAe submittenda sunt. Concurrentes declamandi causa 4—5 versus alicujus poematis addiscant, testimonia originalia secum portent, die 4. julii ante meridiem in Domo Sacerdotali appareant, ubi inspectio corporalis sanitatis a medico observabitur. Susceptio alumnorum die 5. julii in sessione Consultorum peragetur. Diebus 4. et 5. julii concurrentibus gratis providebitur, ast pro inspectione medicinali 40 denarios ipsi solvere debebunt. Suboticae, die 30. április a. 1933. Ratione ulterius procedendi officiis pa- rochialibus notificatur, quod religiosis et sororibus non conceditur facultas eleemosynas in regione ABAe colligendi, nisi pro una occasione et in duobus districtibus. Suboticae, die 20. április a. 1933. Summus Pontifex fel. rec. Benedictus XIV, per Apostolicas Litteras in forma Brevi „Ad Passionis“ die XII mensis Decembris anno MDCCXXXX datas, iussit singulis feriis sextis hora tertia post meridiem, curá omnium ecclesiarum rectorum totius catholici orbis, aera sacra pulsanda esse in memoriam D. N. lesu Christi morientis; itemque christifidelibus qui eadem hora quinquies „Pater, Ave“, ad mentem Sanctitatis Suae orantes, recitavissent, partialem centum dierum indulgentiam benigne concessit. Die autem XX huius mensis Sanctissimus D. N. Pius, divina Providentia Pp. XI, in audientia infra scripto Cardinali Paenitentiario Maiori concessa, faustam occasionem nactus maximi extra ordinem Iubilaei ab Se recens indicti, eoque consilio ductus ut fidelium pietatem erga Dominicam Passionem magis magisque augeret, eosque omnes ad eandem recolendam meditandamque excitaret quo potissimum die humani generis Redemptor, in cruce pendens, semet ipsum aeterno Patri placationis hostiam obtulit, hoc benigne dilargiri dignatus est, ut scilicet quisquis, ad huius aeris pulsum, feria sexta et quavis hora, secundum locorum consuetudinem (quemadmodum iam p. m, Leo XIII, die XV mensis Maii anno MDCCCLXXXVI concesserat) flexis genibus, si commode fieri possit, quinquies „Pater, Ave“ recitaverit, ad- iecta insuper ad Summi Pontificis mentem pre- catiuncula „Adoramus te, Christe, et benedicimus tibi etc.“ vel alia eiusmodi, has, quae sequuntur, indulgentias lucrari possit: a) partialem decem annorum quavis feria sexta, cum pium exercitium, quod diximus, saltem corde contrito peregerit: b) plenariam, statutis condicionibus, si per integrum mensem singulis feriis sextis idem exercitium rite perfecerit. Id vero in perpetuum valiturum absque Apostolicarum in forma Brevi Litterarum expeditione; contrariis quibuslibet non obstantibus. Datum Romae, ex aedibus Sacrae Paeni- tentiariae, die XXX mensis Ianuarii anno MDCCCCXXXIII. L. Card. Lauri, I. Teodori, Paenitentiarius Maior. Secretarius. L. * S . Nr. 1742. Ordinarius ad limina Apóst. profecturus. Nr. 1750. Concursus pro Seminario. Nr. 1751. Facultas colligendi pro religiosis. Nr. 1743. Decretum S. Poe- nitentiariae de indulgentiis pio exercitio feriaVl. annexis.
