Bács megyei püspöki körlevelek, 1931
5 Augustus Pontifex, litteris ad AI. Card. Sincero datis cristifideles benigne adhortatus est, ut XV. centennarium oecumenici Concilii Ephesini animo recolerent uberesque inde haurirent fructus salutares. Synodus Ephesina etenim, doctrinis Nes- lorii reprobratis, hypostaticam duarum naturarum unionem in Christo professa est, singularem Dei Matris titulum „Theoto- kon“ et agnovit et celebravit et de Romani Pontificis primatu sententiam in acta redigi voluit. Tria haec dogmata catholica praecipe nostris temporibus et doceantur et sequantur quam maxime oportet. Quamobrem ut in fidelibus fides in Christi divinam missionem confirmetur, cultus Marialis augeatur nostrumque studium in Romanum Pontificem revirescat, devotionem trium dierum in tota dioecesi adornandam et diebus 14, 15. et 16. augusti inaugurandam indicamus. In omni parochiali ecclesia diebus su- perlaudatis Litaniae B. M. V. ad horam 6 vespere transferantur et de thematibus supra indicatis conciones ad populum cum devotione consueta habeantur, Nosque eodem fine pro festo Assumptionis B. M. V. imprimis decanatus duos Subo- tica et B. Topola ad Congressum Eucharisti- cum in civitate nostra instaurandum conciemus aliisque simul districtibus totius et solius dioecesis nostrae humanissime invitatis. Programma partiale suo tempore dimittetur. Suboticae, die 22. martii a. 1931. II Auditis Sede Consistoriali et rectoribus ecclesiarum et ex cointelligentia Consiliorum Catholicorum in Stara Kanjiža fines proventusque parochiarum ibidem sicuti sequitur constituuntur: Parochia Ss. Angelorum Custodum in quinque regiones parochiales dismembratur. Propria pars in civitate directione ex media platea Vojvode Putnika ad mediam viam Körősi 9. in aëre decussata et in extravilla- nis via publica Čantavir limitatur. Ex beneficio ejusdem remanentibus 60 (á 2200 □ org.) 20 catenae agrorum ad utilitatem vicariae s. Familiae separantur. Reliqua pars civitatis via Save Tekelije in regionem s. Pauli et s. Familiae dividitur. Vicaria S. Pauli ad parochiam elevatur cum proprio beneficio 20 catenarum agrorum et extravillano territorio quod viis Provinciae et Legioniariorum circumcluditur. Vicaria S. Familiae cum Prato Magno secundum Normas Vicariarum Acta ABA-e VIII. parochiae Ss. Angelorum Custodum adhaeret. Reliquum territorium extravillanum in quattuor regiones dispertitur, uti inferius describuntur: Parochia S. Visitationis in Nadrljan, fluvio et via ferrea definitur. Parochia S. Michaelis in Oromhedješ, extenditur ad lineam aëream quae agros a fine viae Vračarski ad crucem Mesaros ad viam Senta—Suboticaensem dissecat. Curatia S. Josephi elevatur ad parochiam, et ab ea etiam Vicariae Sv. Hram in agris superioribus sitae providebitur; utraquae autem pars viae Albae ad sv. Hram pertinet. Divisio nova die Paschatis a. 1931. incipiet. Suboticae, die 28. februarii 1931. SECRETARIA DI STATO DI SUA SANTITA' Dat Vaticano, die 10. Martii 1931. No. 99616. (Da citarsi nella risposta) Exc. me ac Rev. me Domine, In ea quoque re studiosum te praebuisti Apostolicae Sedis, quod, ut eius tenuitati opem ferres, Petrianam stipem (Din. 32.000), tuo tuorumque fidelium nomine, nuper misisti. Gratum sane id accidit Beatissimo Patri; Qui dum plurimas de re grates agit, hanc amoris et observantiae significationem paterna vicissim benevolentia rependit. Atque salutaria omnia a Deo precatus, in auspicium caelestium munerum tibi tuisque omnibus Apostoli- cam Benedictionem libentissimo animo impertit. Haec tibi declarans, sensus existimationis maximae in te meae confirmo, quibus sum et permanere gaudeo Amplitudini Tuae addictissimus E. Card. Pacelli Ex. mo ac Reo. Mo Domino D. no Ludovico Budanovic Episcopo tit. Cisamensi Administratori Apostolico Bačiensi Suboticam. Nr. 1431. Stips Petriana comprobatur Nr. 1432. Centennarium Synodi Ephesinae celebratur. Nr. 1430. Dismembra- tio parochiarum in Stara Kanjiža.
