Pest-Budai hivatali utasítások a XVIII. században - Budapest Főváros Levéltára forráskiadványai 6.(Budapest, 1974)
PEST - (Utasítások a tanácsnak) - 27. A tanács utasítása (Szlávy Pál királyi jogügyigazgatótól) 1767. júl. 4.
dinam 2 tarnen evolutio moderni arendatitii contractus tempore novus contractus non per aversionem, verum erga pactandam a singula orgia censum ineatur. Quo autem in perceptione communium civitatis proventuum omnis suspicio fraudis antevertatur, satrapae ad incassandos fori proventus in posterum non applicentur, sed censum stationalem colligat fori inspector peculiari ad id juramento obstrictus. Circa reliquorum fori hebdomadalis proventuum, uti et census pascui occasione nundinarum desumi soliti incassationem praxis ea observetur : Ut fori inspectori schedae assignationales summám solvendam determinate exprimentes per deputationem oeconomicam praenumerentur, idem vero fori inspector cum hujusmodi assignationali scheda unumquemque ad perceptorem inviet, utriusque dein rationes, unius nempe de schedis, alterius de perceptis pecuniis combinentur. Demum domini senatores, qui cum cancellistis occasione nundinarum pro incassando a cuiusvis speciei mercibus vectigali exmitti solent, proventus ad cistas obseratas colligant, ex iisque sub praetextu exolutionis prandiorum aut quocunque alio erogationes nullás faciant, verum terminatis nundinis proventus intacte ad domum praetoriam deferri curent, ibidemque coram deputando per dominum judicem alio senatore, praesente tribuno plebis, camerariatus officio numerent, dein penes magistratualem assignationem vel refusionem intertentionis ad vires diurnorum vel ipsa diurna ab eodem camerariatus officio percepturi. Decimo. Quemadmodum nemini in perceptionem ullam se immittere licebit, quin de ea rationes debitas reddere sit obligatus, ita quidquid et quocunque demum titulo perceptum fuerit, fideliter in rationes inducatur. Proinde quae nomine mulctarum pecuniariarum, contrabandi, taxae a comediastis et similibus circumforaneis exigi solitae provenient, ad cassam domesticam administrentur, et per camerariatus officium sub peculiari rubrica in rationes inducantur. Eadem ratio est pecorum vagorum, quorum descriptio in nundinis hebdomadalibus publicari, imo et comitatus pro currentatione eiusdem descriptionis requiri debebit. Si tarnen proprietarii intra annum et diem non apparuerint, pecora eiusmodi vendantur, et pretium camerario assignandum rationibus inseratur. Undecimo. Occasione nundinarum praecipue, sed et alias toto anni tempore sedulo invigilet magistratus contra praevaricationes, quae contingunt ex parte Turcicorum quaestorum merces eiusmodi, quibuscum illis iuxta tenorem pacificationis legumque superinde conditarum quaestum exercere non licet, praetextu transitus in regnum inducentium, et tarnen vel communi cum hujatibus quaestui submittentium vel eas distrahentium. De comperiendis porro istiusmodi praevaricationum casibus idem magistratus indilate apud tricesimae officium Budense insinuationem faciat, simulque excelsae camerae regiae Hungarico-aulicae repraesentationem cum circumstantialis indiciorum aut probarum deductione submittat. Duodecimo. Cum positivae legis tituli, nempe 13 par[tis] 3 tlae3 dispositio exigat civilium haereditatum translationem coram duobus iuratis civibus celebrandam esse, ac liber fundualis ea forma, qua hactenus tractabatur, infinitis litibus ac controversiis ansam praebeat, nam respectu plurimarum domorum, an cum vel sine appertinentiis translatae fuerint, nihil in specifico continet, respectu agrorum 2. Ered. lapidicinam. 3. Tripartitum III. 13. 109
