Scriptores Ordinis S. Benedicti qui 1750-1880

chus Raigraden, tunc históriáé professor fuit, huius scientiae amore incaluit. Theologiae studiis in instituto episcopali Brunae operam dedit, ast solummodo per annum unum, quo absoluto in nostrum suscipi monasterium anhelavit

; cuius voti compos factus 21. Aug. i836 Victore abbate indutus fuit. Beda noster studia theologica Brunae, et postea Olomucii continuavit, simulque philosophicis disciplinis totus quantus se dedit. Anno i839Calendis Septembribus votis sollemnibus monasterio adstrictus examina rigorosa in universitate Olomucensi tanta cum laude subiit, ut theologus anni quarti philosophiae doctoratus laurea insignitus fuerit. Anno 1840 sacerdotio initiatus et primitiis Raigradii celebratis Calendis Octobribus eiusdem anni cathedram philologiae Graecae et Latinae et duobus annis post etiam históriáé universalis in lyceo philosophico Brunensi, professoris Volny successor, ascendit. Sic professor publicus Ordinarius denominatus

; inde ab anno 1845 praelectiones extraordinarias e lingua et litteratura Bohemica primus in instituto Brunensi incepit, in quarum subsidium bibliothecam librorum huius idiomatis, discipulis summopere exoptatam, fundavit. Cum vero anno 1848 novo studiorum in Austria systemate lyceum philosophicum gymnasio c. r. superiori uniretur, Dr. Dudik, in eo professor constitutus, históriám, geographiam, nec non iam pridem adamatam rerum naturalium disciplinam tractandam suscepit. Quo munere usque ad 1854 functus sequenti in alma universitate Viennensi cathedram fontium históriáé medii aevi elucubrandarum fundator ascendit, nam primus erat, qui ordine ab eo noviter exarato et ab incluto ministerio adprobato, hancce inchoavit publice docere disciplinam. Dr. B. Dudik non acquievit cathedrae ; sed inde iam ab anno 1848 varios subiit labores, quos quidem rudi, ast veritati addicto calamo, modo chronologico benevolo lectori proponamus. Anno 1848 cum multa et varia, vera et falsa, circa statum Moraviae politicum et oeconomicum proferrentur ut cynosuram quandam conderet, Dudik elucubrationes sub titulo : „StatisticaMoraviae" publici iuris fecit. Eodem anno, mortuo i3. Mart. 1

847 archivario et historiographo Moraviae Antonio Boczek, suscepit D. ex mandato dominorum Moraviae delegatorum non tantummodo collectionem historicam sic dictam Cerronianam critice examinare, sed et collectionem Boczekianam ita conscribere, ut inde delegati cognoscerent, quanti pretii esset, si haec collectio tanquam additamentum ad archivum terrae Moraviae publicis sumptibus compararetur. Propositione accepta et collectione acquisita novi archivi terrae Moraviae Dudik radices egit. Hisce studiis occupatus nuper exortae quaestioni de marchionatus Moraviae ad principatuin Oppariense relatione, satisfecit, anno i85o in opere, postea publicato Viennae. Quibus omnibus novum incipit P. Bedae curriculum; professoris munere ad tempus abdicato ingenii sui acies omnimode fontibus historicis indagandis dedicatur. Mense Maio i85o delecti ordinum Moraviae, ut genus et pretium thesauri litterarii, per Suecos in bello triginta fere annos durante, ex Moravia et Bohemia ablati, cognoscerent, Bedam Dudik publicis sumptibus in Sueciam miserunt, ubi ille Stockholmiae in archivo regio diu desideratam quartam partem operis Chemnitzii,