Scriptores Ordinis S. Benedicti qui 1750-1880

constrictos ; epistulae variis in rebus et causis ad eum scriptae testantur. Monasterio s. Blasii, etsi inter opaca nigrae silvae nemora, ad quae circumquaque difíicilis erat accessus, sito nunquam hospites defuerunt. Nunquam vero tanta copia aderant et tantae dignitatis, quam sub regimine prineipis Martini II

V qui tunc in viis ab antecessore Meinrado stratis et bene paratis facilius advenerunt partim visendi causa propter mirum templum, cum maxime autem ut suavi familiaritate amici abbatis uti possent. Eminent inter hos cardinalis Conradus, eius frater germanus et in Constantiensi episcopatu successor Maximilianus de Rodt, qui uterque cum multo nobilium comitatu advenerat; duo episcopi in p., nuntii apostoliéi Caprara et Bosca, prior ad Helvetiae pagos, ad Belgii provincias alter, inopinato ad divum Blasium divertentes, diu cum abbate de legationum suarum negotiis conferebant. Suffraganei Constantienses, episcopus L. B. de Hornstein, et eius successor episcopus Milevitanus L. B. de Baaden, nec non suffraganeus Wormatiensis de AVürthwein saepius ad divum Blasium gratissimi hospites erant. Qui dignitati et iurisdictioni episcopali proxime accedunt, abbates o. s. B. congregationum Helvetiae et Sueviae, Lotharingiae, ordinis Cisterciensium, canonicorum regularium omnes abbati Martino ac- : ceptissimi erant hospites ; etiam generalis ordinis Eremitarum, provinciales ordinis Minoritarum, Recollectorum et Capucinorum plures venerunt, abbatem Martinum salutaturi; nec deerant abbatissae o. s. B., quas veneratio in abbatem adduxit. Inter principes civiles et insigniores hospites laicos primo loco nominari meretur Caro- Í lus dux Würtembergiae, qui anno 1

783 cum uxore sua secunda comitissa de Hochheim ad s. Blasium divertens, adspectu templi stupefactus, illud artis opus dicebat, decus et ornamentum Germaniae. Principem dein Martinum sequenti anno ad se Stuttgardiam venientem adeo honorifice et splendide excepit, ut natis principibus plus honoris vix posset exhibere. Carolus Fridericus Marchio Badensis cum filio principe natu secundo magna reverentiae et laetitiae testificatione in divo Blasio fuit exceptus in vigilia omnium sanctorum. Porro Ioannes princeps de Schwarzenberg cum uxore, eiusdem matre ac duobus filiis gemellis, in quorum gratiam adventarat Elisabetha Ludovici Marchionis BadoBadensis catholica unica filia, et filius haeres. Iosephus princeps de Eiirstenberg cum coniuge Iosepha, filia unica prineipis LIohenzollern-Hechingen, iam antea devotus abbatis amicus, eiusdem germanus frater Carolus, et utriusque mater, nata comitissa de Truchsess abbatem Martinum in divo Blasio et in arce Bonndorf inviserunt. Praeterea abbatem sua praesentia in divo Blasio dignati sunt Antonius princeps de Hohenzollern-Sigmaringen, eius soror Crescentia canonissa in Buchau et agnatus comes de Hohenzollern canonicus Coloniensis. Et iuvenis princeps ex illustrissima familia principum de Gallizin, praecipuas Germaniae provincias et celeberrimas civitates perlustrans, etiam coenobium s. Blasii invisere, operae pretium esse duxit. Post principes inter insigniores hospites nominari meretur Beatus Fidelis Zurlauben de Thurn, regis christianissimi mareschallus, et generalis emeritus, vir litteratissimus, et musis Blasianis addictissimus, qui 17