Bessenyei József: Diósgyőr vára és uradalma a XVI. században - források - Tanulmányok Diósgyőr történetéhez 2. (Miskolc, 1997)
Bevezetés
Sunt praeterea supplicationes circa idem negotium postremo ex aula transmissae, ad quarum singulas consequenti serie opinionem adnotavimus. 1. Ad supplicationem universitatis oppidi Myskolcz de violentiis per Martinum Nagy alias Zabo et Franciscum Ursinum novos officiales Diosgyewr illatis. Indignum profesto censemus haec ita crueliter per novos officiales patrata, ut etiam Sigismundi Balassae et Barbarae Fanchi saevitiam, facti atrocitas excesserit, cum sic conveniens sub iuris- dictione Sacrae maiestatis vestrae subditos iustius et benignius haberi, quod unquam antea sint habiti, quapropter si quae hospitali usuique pauperum languentum et mutilatorum eripuerunt, ea confestim restituant, cum sit peccatum clamans ad Deum. Deinde vinorum a civibus ablatorum iusta precia solvant iuxta articulos et eis juxta eorum privilegia libera vendendi vina eorum facultas permittatur, servata iure educillationis pro maiestate vestra Sacra, eo temporis tracta, quo ea domino terrestri de more iam recepto procedit, nimirum a die Divi Georgii Martyris ad diem divi Michaelis Archangeli, eo addito, quo si quis casus necessitatem attulerit, una ab eis ad arcis sustentationem colligendi, ea dent non inniti precio competenti. Laniis quoque, de sevo et cutibus bovum mactatorum liberam disponendi facultatem, sine ulla molestia permittendam existimamus. De iudicis autem tam barbarica tractatione, tamquam ignominiosa contumelia et pauperum in hospitali degentium impia oppressione, severe officiales animadvertendum dicimus sine respectu nec sunt personae eiusmodi quarum respectus prae aliis haberi debeat, cum sint de media plebe. Et quoniam immanitatem designarunt, nomine maiestatis vestrae indignam omneque pietate alienam, mox ab officii removeantur. Detur autem hoc totum negotium futuris commissariis, praecipue vero, ut dispiciant, an prata et vinee ad hospitale pertineant nec 84
