Sátoraljaújhely város kiváltságlevele 1261 - Oklevéltár (Miskolc, 1986)

et libertatem eorundem per dominum Stephanum Regem patrem nostrum karissimum felicis recordacionis ordinatam et concessam inmutabiliter uolentes obseruare, et dictum priuilegium ipsius patris nostri non rasum, non cancellatum, nec in aliqua sui parte uiciatum, et litteras nostras patentes ratas, gratas pariter habentes et acceptas, de uerbo ad uerbum presentibus insertas, auctoritate presencium duximus confirmandas. Datum in Gyman dominico die ante festum Beati Michaelis Archangeli anno Domini M CC LXXX quarto. Nos uero predictorum hospitum nostrorum peticiones considerantes esse ueras atque iustas, predictas litteras Regis Ladizlai non suspectas, non cancellatas, non abrasas, nec in aliqua sui parte uiciatas, de uerbo ad uerbum presentibus insertas, patrocinio scripti presentis duximus confirmandas. In cuius rei testimonium presentes eisdem concessimus litteras dupplicis sigilli nostri munimine roboratas. Datum per manus discreti uiri Magistri Theodori Albensis Ecclesie Prepositi aule nostre Vice-Cancellarij dilecti et fidelis nostri anno Domini M CC nonagesimo primo nonis Januarij, Indiccione quarta, Regni autem nostri anno primo. Magyar Orszagos Leveltar. Mohacs elotti gyujtemeny. Dl. 519. Az oklevel tdredekes fuggopecsetje vdrbs-feher-zdld selyemszindron csiing.