Levéltári Évkönyv 11. (Miskolc 2002)

Tóth Péter: Késmárk és Szepesbéla határügye (1536-1540)

Actus commissarialis inter bona sacrae maiestatis regiae Poloniae civitatis Bela et bona Kezmark et Rokvcz domini palatini Siradiensis Cum enim ipse dominus palatinus Siradiensis noluit se submittere decreto commissariali, quantum de re principal^ hoc est de litteris et metis, solum de iniuriis et damnis, extunc dominis commissariis placuit, ut arbitraliter in causa procederetur. Et primum dominus palatinus Siradiensis reproduxit litteras de titulo et sigillo serenissimi regis Caroli, quarum copias vestra magnificentia eisdem dominis commissariis dederat et reproduxit confirmationem earundem litterarum per serenissimum regem Joannem modernum noviter factam. Item reproduxit etiam litteras seerenissimi Sigismundi Romanorum et Ungariae regis, earn sententiam in se continentes, ne quispiam silvas et robora civium civitatis Caseoforensis succidere audeat sub paenis descriptis, et expressione oppignorationis in generali tantum sonantes. Etiam produxit protestationem ex sede iudiciaria Scepusiensi, nihil aliud sonantem, nisi quod commissarii maiestatis regiae Poloniae ad hunc actum tempore illo deputati non convenerant cum comissariis domini Wladislai regis Ungariae. Oblata est etiam protestatio et prohibitio ex sede iudiciaria comitatus Scepusiensis per cives Caseoforenses extracta super violenta occupatione, peraratione, ac novarum metarum erectione per cives de Bela facta circa annos viginti. Ex adverso Belenses non dando locum litteris per dominum palatinum reproductis, contra easdem repugnando dixerunt per procuratorem suum: „Domini commissarii, litterae serenissimi olim Caroli per dominum palatinum reproductae non valent ex multis rationibus. Primo, quia ipsas litteras et hoc privilégium donationis et reambulationem metarum in se continentes, sequitur praescriptio et abusus privilegii, donatio enim et reambulatio descripta est in eis anno Millesimo ducentesimo nonagesimo, et post obtentas litteras nunquam fuerunt usque hactenus ipsi Caseoforenses et villa Rokucz in pacifico dominio dictarum metarum contentiosarum, duntaxat cives Belenses, ut multis litteris constabit. Privilégia enim et litterae quomodocunque obtentae si non supportantur ipsa reali possessione et usu, omni iure censentur cassa et invalida.