Zala vármegye története. Oklevéltár 1. 1024-1363 (Budapest, 1886.)

ris per ipsum Georgium filium Johannis nobis exhibitis rescripsit in hunc modum, quod peticionibns nostris obtemperare cupientes, unacum prescripto Georgio homine nostro, hominem eorum fratrem Erricum sacerdotem pro testimonio fide dignum ad premissum negocium peragendum destinassent, qui demum ad ipsum conventum reversi, concorditer retulissent, quod cum in predicta feria quinta ad dicte possessionis Miley convocatis vicinis et commetaneis nobilibus de eadem Miley accedendo, ipse Georgius quasdam possessionarie porcionis particulas existentes, primo scilicet octo iugera terrarum arabilium a parte meridiei curie prefati Sydou existencia, et iterum octo a parte aquilonis necnon quinquaginta iugera in loco altalyaro mixtim cum terris arabilibus virgulto et silva sicut oculis metiri visu valuissent, et alias particulas iuxta continenciam priorum literarum suarum reambulando nomine sui iuris recapere voluisset, prescriptus Sydou non reambulacioni neque recaptivacioni sed statucioni contradixisset possessionariarum porcionum predictarum ; ubi predictas literas perlegi fecissemus; tandem Johannes sacerdos filius Ivánka de medio aliorum concivium consurgendo, in causa sua in facto premisse possessionarie porcionis contra ipsum Sydou movenda, ipsum Georgium filium Johannis constituit procuratorem, et ibidem idem Georgius in sua et dicti Johannis sacerdotis personis quasdam literas privilegiales conventus de Chatar et unam patentem comitis Thome iudicis magnifici viri Philippi palatini nobis presentavit, in quarum tenoribus reperiebatur evidenter eo modo, quod anno domini M° CCC° vigesimo tercio Dominicus filius Petri nobilis de Miley tam pro se quam Paulo et Martino filiis suis ab una parte, Johannes sacerdos filius Ivánka ex altéra coram eodem conventu personaliter constituti fuissent, idem Dominicus quasdam particulas térre sue a Stephano filio Michaelis racione mortis Peturke fratris sui seu (h)omicidio sibi devolutam, sub distinccionibus infrascriptis pro quarta domine dicti Johannis sacerdotis coniuge vocate ac sororis sue Anna nuncupate confessus extitisset dedisse .et perpetuasse predicto Johanni sacerdoti possidendam, quarum quidem particularum dictarum terrarum terminus inci-