Forgó András (szerk.): Az 1712. évi pozsonyi diéta egy ciszterci szerzetes szemével - A Veszprém Megyei Levéltár kiadványai 32. (Pannonhalma-Veszprém, 2013)

Hermann Engelbert atyának, a főtisztelendő Flórián velehradi apát úr teljhatalmú követének feljegyezései és megfigyelései a Pozsonyban tartott magyarországi országgyűlésről, továbbá VI. Károly úr 1812. évi koronázásáról (Szemelvények) Fordította Hajdú Vera, Hende Fanni és Szádoczki Bálint. Magyarázó jegyzetekkel ellátta Forgó András

Acta et observata <VI>

Fiet autem processio ex arce per Portam et Plateam Sancti Michaelis, et inde deflectetur ad Portam Danubii consequenterque gradus Ecclesiae Sancti Martini, ubi Sua Sacratissima Majestas ad portam templi pervenerit.

Custodes portarum omnem tumultum per populum fors templum ingredi volentem arcebunt et praecavebunt. Sua vero Majestate ad portam templi perveniente, Dominus Archiepiscopus cum Clero Pontificalibus indutus stabit, [p. 48.] aspergetque Aqua Benedicta ac demum templum ingressa fores statim occludentur et tamdiu occlusae servabuntur donec Sua Majestas locum sibi ordinatum ac solium conscenderit.

In ipso templi ingressu dabitur sonitus tympani et tubarum dispositis tempestive musicis in theatro pro ipsis extructo, durabit autem clangor tubarum, usque quo Sua Majestas ad sacristiam pervenerit et tunc cessabit. In Ecclesia pro Sua Caesarea Majestate thronus erigetur ad cornu dextrum.

Pro legatis autem et Aurei Velleris Equitibus necnon Suae Majestatis intimis Consiliariis Dominus Aulae Praefectus competentia loca assignabit.

Pro damis Germanicis et Hungaricis extruentur theatra, et Commissarii Germani et Hungari ad easdem accomodandas constituentur et denominabuntur.

Suae Majestati templum ingressurae Clerus infulatus obviam veniet, et eidem Majestati Dominus Archiepiscopus Colocensis ac unus ex Episcopis adjungetur, et Clero eandem comitante in sacristiam Capituli progredietur, ad portae ingressum dabit Aquam Benedictam Dominus Strigoniensis.

Legati pariter Coronarum ad eandem sacristiam cum Heroldo Hungáriáé Suam Majestatem commitabuntur.

Infulatus Clerus, cui crux praefertur ex sacristia Capituli, ubi Sua Majestas erit, inchoabit processionem dirigentibus eam Curiae Regiae Magistro et alio magnate denominando.

Primo praeibunt Vexilla decem Regnorum (quae Camera praevie curabit) expansa gestantes bini, et bini quos Dominus Palatinus denominabit, Bulgáriáé, Serviae, [p. 49.] Cumaniae, Lodomeriae, Gallitiae, Ramae, Dalmatiae Sclavoniae, Croatiae, Hungáriáé.

Hos sequetur Heroldus Hungáriáé vestitus more caduceatorum. Dein Conservatores Coronae, Coronam et Clenodias portantes, ut Crucem Cubiculariorum Regalium Magister, Gladium Sancti Stephani, Pincernarum Magister; Pacem Tavernicorum Magister; Pomum Banus Croatiae, Sceptrum Judex Curiae; Coronam Palatinus; Agazonum Magister cum nudo Ense; Sua Majestas Caesareo-Regia astantibus duobus Episcopis; quam sequetur Supremus Aulae Praefectus cum Domino Magistro Curiae, postea legati.

Et sic usque ad Summum Altare sub tympanorum sonitu et tubarum clangore et organi sono, procedunt, et ii qui Clenodia Coronationis portabunt ad cornu dexterum seu Evangelii justo et decenti ordine stabunt. Sua Majestas, ubi ad Altare pervenerit, in infimo Altaris gradu in genua procumbet.

202