Forgó András (szerk.): Az 1712. évi pozsonyi diéta egy ciszterci szerzetes szemével - A Veszprém Megyei Levéltár kiadványai 32. (Pannonhalma-Veszprém, 2013)

Hermann Engelbert atyának, a főtisztelendő Flórián velehradi apát úr teljhatalmú követének feljegyezései és megfigyelései a Pozsonyban tartott magyarországi országgyűlésről, továbbá VI. Károly úr 1812. évi koronázásáról (Szemelvények) Fordította Hajdú Vera, Hende Fanni és Szádoczki Bálint. Magyarázó jegyzetekkel ellátta Forgó András

Acta et observata <VI>

Ad portam atrii sacristiae duo castellani item custodes Coronae seu satrapae, sex Germani et totidem Ungari constituentur, [p. 46.]

Ad cemeterium centum scolpetarii totidem hajdones circa templum pro custodia, item decem hatschirii et totidem trabanti ordinabuntur.

Hora quinta matutina diei coronationis supra fati Hungari et Germani cistam aperient, et Coronam cum Clenodiis ad locum in sacristia praeparatum collocabunt, Conservatoribus Coronae penes eandem remanentibus. Mensa ad partem penes Summum Altare praeparanda, ubi Paludamentum Regis et alia Indumenta ponentur.

Status et Ordines Hungáriáé hora media sexta ad domum Domini Palatini convenient, illumque Domini Proceres ad arcem comitabuntur, Clero interim ad templum proficiscente ubi se Pontificalibus induent.

Dominus Personalis vero cum Statibus et Ordinibus ad templum Sancti Martini se conferet, ascendetque ad locum dominis ablegatis more solito praeparatum, ubi dominorum ablegatorum servitores, ne se intrudant, attendent custodes januarum ordinati.

Processio autem ex arce, hora sexta denominatur, cujus ordo erit:

Domini Magnates Equites Hungarico vestitu praecedent, aliique Regnicolae et Germani promiscue, quos sequitur Dominus Princeps Palatinus, Dominus Supremus Aulae Praefectus et post hos Heroldus Hungáriáé cum stylo seu baccillo albo, deinde Agazonum Magister cum evaginato gladio equitans.

Postea Sua Majestas Caesareo-Regia, Domini Hungari et Germani Equites promiscue.

Dominus Palatinus, Dominus Supremus Aulae Praefectus, Heroldus Hungáriáé vestitus more caduceatorum, quem habitum camera procurabit.

[p. 47.] Agazonum Magister cum ense per Regiam Majestatem dari solito.

Majestas Regia in habitu Hungarico, et ab utroque latere Supremi Suae Majestatis Camerarius et Stabuli Praefectus et ambarum Aulicarum Cohor- tum Capitanei.

Post Suam Majestatem legati.

Cives a Porta Sancti Michaelis usque ad Portam Viennensem in armis ex utraque parte stabunt, et Magistratus penes Carpentum Regium detecto capite ad templum Suam Majestatem comitabunt. Cives deinde iterum ex altera parte Ecclesiae Cathedralis et Collegii Societatis versus Templum Franciscanorum debito ordine et ad utramque partem pontis lignei se collocabunt, quod fieri debebit, donec Sua Majestas in Ecclesia fuerit, Magistratus vero civicus penes Suam Majestatem, ut prius, procedet.

Curae erit uni ex Dominis Germanis et alteri Hungaricis Magnatibus ad id denominandis, ut omnia ordine fiant omnisque tumultus praecaveatur.

In processione, ubi ad cemeterium templi deventum fuerit, famuli dominorum recedent, fietque ingressus per gradus ad Portam Danubii, et praecavebunt omnem tumultum, donec Sua Majestas templum intraverit.

201