Lichtneckert András: Veszprém vármegye községeinek urbáriumai, úrbéri és telepítési szerződései 1690-1836 - A Veszprém Megyei Levéltár Kiadványai 21. (Veszprém, 2009)
Urbáriumok, úrbéri és telepítési szerződések
vasa Jaurino pro decimatione necessaria devexerint et totum decimatum vinum eo devexerint, quo dominium voluerit, non solvent jus montanum. 7. Praeterea omnes subditi nostri dabunt decimas ab omni procreatione quoque a' puro et mixto tritico, a' siligine, hordeo, avena, milio, spelta, canabibus, ab apibus et agnelis, et haec decimata eo devehent et deportabunt, quo dominium voluerit. 8. Tempore decimationis expensis suis pagus alet decimatores et quoties domini terrestres negotiorum causa ad pagum venerit tenebitur pariter alere dominos praefatos et si desideraverint etiam praejuncturas iis subministrare illas. 9. Dum pruna et fructus hyemales hic creverint, tenebit pagus dominio dare ex suis prunis duos saccos majores et duos ex aliis fructibus. Item tenentur dare 12 fasces botrorum recentium, unum cubulum nucum, unum sacem ex granis juniperi, duos saccos ex nasturcio et duos ex apiis et allio. 10. Tenentur omnes agros dominales excolere, fructum enascentem demetere et importere, pariter tenentur prata dominalia falcare et falcatum foenum congregere et in assignando loco componere. Si vero subditi nostri agros et prata dominalia arendare et pro suo usu accipere voluerint, dabunt omni anno certum censum a' dominio determinandum. 11. Possessio deserta Sandor et Csitin eo usque, quo usque a' dominio impopulata non fuerit, relinquitur Kenessiensibus usuanda et possidenda. 12. Juxta morem antiquam tenebitur pagus Kenesse robottis suis succurrere molis Veszprimiensi et Veresberenyiensi, uti et domibus nostris restaurandis utrobique. 13. Demortuorum subditorum nostrorum haeredes pro suo parente defuncto deponent dominis 4 florenos, si vero quispiam absque haerede a' vivis decessent, tota illius substantia ad dominium secundum antiqua jura dominii nostri devolvatur. Quod ipsum officialis noster vel judex sub gravi mulcta annotabit et dominio manifestabit. 14. Officialis et judex pagi tenentur sub gravi mulcta omnes facinoreses quoque homicidas, fures, fornicatores, adulteros, blasphamos et his similes comprehendere custodia tradere et domino terrestri manifestare ut secundum mentum plectantur. 15. Omnes mulcta et caducitates, item sarlopenz, pennabor, pennakeve sunt juris dominalis, de quibus disponere dominio integrum erit. 16. Nemo praesumat sub gravi mulcta vicinis nostris violentium inferre, nec ullus in ulla re sine commissione Collegii procedat. Limites tamen territoriorum nostrorum diligenter custodiant, ne quidquam amittatur. 17. Nullus etiam extraneus sub gravi mulcta sine scitu dominii vineam suam, item agrum vel domum vendat vel aliam sibi comparet. 18. Judex et vel maxime officialis noster sedulo invigilabit, ne ullus ex pago nostro possessionatus diffugiat et alio occulte migret et talem observantes sub poena gravi manifestere et comprehendere tenebuntur.
