Avar Anton: Beregi címereslevelek a Magyar Nemzeti Levéltárban - A Szabolcs-Szatmár-Bereg Megyei Levéltár Kiadványai II. Közlemények 55. (Nyíregyháza, 2020)
V. Farkas Tamás, 1629
beregi_cimereslevelek_final_HOME_3.indd 68 2020. 11. 18. 7:06:40 Átírás ■ Transcription ■ Транскрипція Nos Ferdinandus secundus Dei gratia electus Romanorumimperator semper augustus ac Germaniae, Hungariae, Bohemiae, Dalmatiae, Croatiae, Sclavoniae, Ramae, Serviae, Gallitiae, Lodomeriae, Cumaniae, Bulgariaeque etc. rex, archidux Austriae, dux Burgundiae, Brabantiae, Styriae, Carinthiae, Carniolae, marchio Moraviae, dux Lucemburgae, superiorisque et inferioris Silesiae, Wierthembergae et Thekae, princeps Sueviae, comes Habspurgi, Tyrolis, Ferreti, Kiburgi et Goritiae, landgravius Alsatiae, marchio Sacri Romani Imperii supra Anasum, Burgoviae, superiorisque et inferioris Lusatiae, dominus marchiae Sclavonicae, Portus Naonis et Salinarum etc. memoriae commendamus tenore praesentium significantes qui[bus] expedit universis, quod nos cum ad nonnullorum fidelium nostrorum humillimam supplicationem nostrae propterea factam maiestati, tum vero attentis et consideratis fidelitate et fidelibus servitiis fidelis nostri THOMAE FARKAS, quae ipse [Sacrae] primum regni nostri Hungariae Coronae et deinde maiestati nostrae pro locorum et temporum diversitate fideliter exhibuit et impendit ac imposterum quoque se exhibere et impendere velle pollicetur; cum igitur ob id, tum vero ex gratia et munificentia nostra [regia] (qua quosque de nobis et republica Christiana benemeritos ac virtutis colendae studiosos, antecessorum nostrorum divo[rum] quondam Hungariae regum exemplo prosequi eisque certa virtutum suarum monimenta, quae ad maiora quaeque praestanda e[os inci]tare po[ssent de]cernere consuevimus) eundem itaque Thomam Farkas et per ipsum filios illius carnales et legitimos Stephanum et Paulum, fratresque germanos Andream et Michaelem similiter Farkas e statu et conditione ignobili, in qua hactenus perstitisse dicuntur, de regiae nostrae potestatis plenitudine et gratia speciali eximentes, in coetum et numerum verorum atque indubitatorum regni nostri Hungariae partiumque eidem annexarum nobilium duximus cooptandum, annumerandos et adscribendos, annuentes et ex certa nostra scientia animoque deliberato concedentes, ut ipsi a modo imposterum futuris et perpetuis semper temporibus omnibus illis gratiis, honoribus, indultis, privilegiis, libertatibus, iuribus, praerogativis et immunitatibus, quibus caeteri veri, antiqui et indubitati regni nostri Hungariae et partium ei annexarum nobiles hactenus quomodolibet de iure vel antiqua consuetudine usi sunt et gavisi, utunturque et gaudent, uti, frui et gaudere possint ac valeant haeredesque et posteritates ipsorum utriusque sexus universae valeant atque possint. In cuius quidem nostrae erga ipsos exhibitae gratiae et clementiae ac liberalitatis testimonium veraeque et indubitate nobilitatis signum haec arma seu nobilitatis insignia scutum videlicet militare erectum coerulei coloris, fundum illius viridi campo occupante, in quo integer lupus naturali colore, distentis posterioribus pedibus, tota corporis mole arrecta, sagitta per collum transfixa et ore hianti, linguaque exerta et cauda elevata effigiatus, anterioribus pedibus ad rapiendum protensis, inque dextram scuti partem conversus esse cernitur, scuto incumbentem galeam militarem craticulatam sive apertam regio diademate, lupum alterum inguine tenus eminentem, alioquin inferiori similem, proferente 68
