Szily János: Instructio venerabilis cleri dioecesis Sabariensis (Szombathely, 1855)
85 praescriptas observent. Cujus huc facientes §§. hic exponimus. — „Qui de rebus suis scriptam dispositionem facere intendit, et quidem absque testibus, debet testamentum, vel codicillum proprio pugno scribere, et nomen manu propria subscribere, exposito dato loci, et temporis. §. 578. Testamentum aliena manu scriptum testator propria manu subscribat, est necesse. Porro testator coram tribus testibus — adminus duorum simullanea praesentia requiritur — scriptum tale pro sua ultima voluntate declaret Denique requiritur, ut testes vel intus, vel extus se subscribant qua tales, sed semper in ipso testamento non autem in aliquo involucro. Non est opus, ut testis continentias testamenti sciat. §. 579. Nota. Non requiritur ergo appressio sigilli, charta stigmatisata, testes peculiariter requisiti. Qui vivo vocis oraculo testatur, is coram tribus testibus idoneis simultanee praesentibus, et pro ejusmodi testificatione qualificatis, quod in persona testatoris error, vel fraus neutiquam intervenerit, voluntatem suam serio declarandam habet. Non quidem necessarium, consultum tamen est, ut testes juvandae memoriae causa voluntatem testatoris ipsimet, vel per alios scripto communi, vel quilibet pro se distinctim mox consignent. §. 585. Ad hoc, ut testamentum orale sit validum, relate ad interessatorum desiderium requiritur trium testium consona fassio, vel si unus e tribus testibus jam audiri nequiret, adminus duorum reliquorum. §. 586. Pro testibus adhiberi nequeunt: l-o. Religiosi. 2-o. Sexus sequioris personae. 3-o. Juvenes infra 18 annos constituti. 4-o. Amentes, coeci, surdi, surdomuti. 5-o. Linguam testamenti non callentes. 6-0. Qui ob fraudem, et dolos malos jam prius judicati fuerunt. 7-o. Non christiani in testamentis Christianorum. 8-o. Haeres, vel legatarius, hujusque conjux, parentes, proles, affines in primo gradu, conventionali. Ad valorem itaque testamenti requiritur, ut illud per testatorem scriptum, vel per testes a nunc recensitis personis distinctos solennisatum existat. Quodsi testator ei, qui testamentum scribit, vel hujus uxori, prolibus, parentibus, congenerationalibus, vel ei proxima affinitate nexis aliquid leget; perinde requiritur, ut testamentum ipse testator subscribat, et dein illud tres disinteressati subscribant. §. 591—596.“ Alterum est, ut nisi peculiaris, et gravis causa aliud exegerit, pias ad causas potissimum testentur. Cum enim Ecclesiastici acquisita sua plerumque ex reditibus beneficiorum suorum habeant; aequitas naturalis exposcit, et strictum Ecclesiae praeceptum exigit, ut illa non in consanguineos suos, aut familiares profundant, sed in pios fines expendant. Atque hinc statuimus: Ut quivis Ec
