Szily János: Instructio venerabilis cleri dioecesis Sabariensis (Szombathely, 1855)
09 -sä cum discretione impendenda, parti cathoKcae non solum non snbtra-hatur, quin potius illi ea, qua licet diligentia insistatur. 3-io. Superatis trinis promulgationibus, Matrimonium ipsum non quidem in loco sacro, decenti tamen, v. g. aedibus parochialibus ineatur, et Parochus, vel cum ejus licentia Sacerdos alter, nullis quidem s. vestibus, adeoque non stola, non rocheto, habitu tamen ecclesiastico indutus, et ad modestam gravitatem compositus, citra faciendum libri ritualis, vel precum sacrarum, vel ritus sacri usum, coram duobus testibus, declarationem mutui in Matrimonium consensus excipiat. 4-to. Ut haec mutui consensus declaratio nulli exceptioni obnoxia sit, eam vir his verbis exprimat: Ego N. N. in conjugem accipio N. N. honestam personam, non ipsam deseram usque meam, et illius mortem, in quacunque necessitate. Sic me Deus adjuvet. Deinde consensum suum sponsa catholica sic enunciabit: Ego N. N. nubo N. N. honesto juveni (vel viro) non ipsum deseram usque meam, vel illius mortem, in quacunque necessitate. Sic me Deus adjuvet, Beata Virgo, et omnes Sancti. Versionem hungaricam vide in fine sub XIII. 5-to. Postquam haec peracta sunt, Parochus Matrimonium hoc libro mixtorum Matrimoniorum inserat, prolium feminei sexus subin nasciturarum catholicae educationi invigilaturus. 6-to. Moneat conjuges, quod Matrimonio rato, et valido conjuncti sint, cujus indissolubilitas, aliique legitimi effectus non secus, ac in aliis matrimoniis extra omne dubium positi sint. 7-mo. Numerus prolium e mixto matrimonio progenitarum, et per Ministros acatholicorum baptisatarum quotannis cum Parocho locali communicandus est. Tandem in 4-to casu, si nempe sponsus acatholicus cum sponsa catholica recusata Curati catholici assistentia passiva, scopo ineundi Matrimonii ad Ministrum Acatholicorum divertunt; facta casus hujus apud Ven. Consistorium nostrum insinuatione, et praemissis trinis promulgationibus, parti catholicae testimoniales dandae sunt hujus tenoris: Quod sponsalia inter N. N. et N. N. in Ecclesia parochiali N. tribus distinctis vicibus denunciata fuerint, nullumque impedimentum, nisi ob disparitatem religionis vetitum Ecclesiae innotuerit, in fidem subscriptus testor. Datum loci, temporis, et subscriptio cum sigillo Ecclesiae. Formulare in lingua hungarica vide in fine sub XIV. Facta per Ministrum acatholicum copulatione Matrimonium iterum in protocollum mixtorum Matrimoniorum inserendum erit, Parochusque catholicus prolium nasciturarum feminei sexus catholicae educationi invigilabit. Posset quis quaerere, an in tribunali Poenitentiae sacramentaliter absolvi possit sponsa catholica, quae sciens proles suas in «catholica religione educandas esse viro acatholico nubit? — In Instructione Cardinalis Lambruschini ad Primatem, Archi-Episcopos, et Episcopos in Hung. Regno edita Romae die 30-a Aprilis a. 1841.
