Szily János: Instructio venerabilis cleri dioecesis Sabariensis (Szombathely, 1855)
47 mifur, tí cujus confirmatio nunquam iterari potest; Trid. Sess. 7. can. 9. de Sacram, in genere; et impedimentum cognationis spiritualis, quae (sicut in Baptismo) inter confirmantem, confirmatum, confirmatique parentes, ac tenentem, seu patrinum, et confirmatum, confirmatique parentes contrahitur. Trid. Sess. 24. c. 2. de Reform. Matrimonii. Hinc ad consequendum hunc salutarem finem suos instruant, quanam animi, et corporis praeparatione ad hoc sacramentum accedere debeant? Primum videlicet: sint in statu gratiae, ideoque, si possibile fuerit, s. confessionem, et communionem praemittant, aut ad minus perfectam contritionem eliciant. Mares patrinum, feminae patrinam sibi deligant, qui in Confirmatione manum dexteram in humero confirmandi teneat, nomen cujusdain Sancti seu novum, seu prius in Baptismate impositum sibi assumant, absque clamore, et tumultu, cum omni pietate, et devotione, totiusque corporis compositione accedant, et recedant, se abstergi, et libro confirmatorum, cujus philyras concernentibus Parochis semper tempestive transmittendas instituemus, inscribi curent, ac demum episcopalem benedictionem accipiant, humilesque gratias pro accepto tanto munere agant, memores de virtute in virtutem se ire, et velut Christi athletas contra omnes inimicos suos fortiter pugnare debere. Haec omnia cum alia etiam occasione, tum maxime ea, dum ad confirmandum ad quampiam parochiam profecturi sumus, a Parochis, et parochiarum Administratoribus sedulo exponi, et dilucidari volumus. Firmiter enim Nobis proposuimus in qualibet parochia, et loco hoc sacramentum tum tempore visitationis canonicae, tum alias administrare, libenterque patiemur, Nos ad illud conferendum tum a Parochis, tum ab aliis quibuscunque advocari. Tandem, cum occasione administrati s. hujus Sacramenti ingrate observaverimus plures non debite praeparatos — procurato via illicita testimonio, — seriei legitimo testimonio provisorum se ingerentes, contra concernentium Parochorum vetitum confirmatos esse; ad antevertendos similes abusus statuimus nemini administrare in futurum s. Confirmationem, nisi aut testimonio typis procuso ad rationes cassae ecclesiae procurando, et hoc praeeligimus; aut vero tali provisus sit, cujus forma erit: N. N. Debite instructus, confessus, ac s. Synaxi refectus admittitur ad s. Confirmationem. Sequitur Subscriptio Parochi, vel Cooperatoris, et sigillum ecclesiae paroehialis. Extus: Nomen in Confirmatione suscipiendum scribatur.
