Szily János: Instructio venerabilis cleri dioecesis Sabariensis (Szombathely, 1855)
— -K) mandarunt, per eos recitari faciat. Qui laudabiliter responderint, eos collaudet, imo etiam piis munusculis donet; qui minus sciverint, eos particulariter instruat, ac ad discendum spe laudis, ac praemii oblinendi stimulet. Neminem vero acrius alloquatur, minus objurget; (nisi gravis causa id exegerit) sed omnes paterno amore, ac benevolentia complectatur, ut tanto majorem erga suum Patrem, et Pastorem spiritualem fiduciam, ac reverentiam concipiant. Denique completo examine iis Pater noster, Ave Maria, Credo, decem Praecepta, quinque Praecepta Ecclesiae, et septem Sacramenta praeorel, atque cum iisdem actus theologicos eliciat. In iis parochiis, penes quas laudabilis consuetudo die Sabbathi, vel Domini a pulsu pro salutatione angelica rosarium B. M. V. in ecclesia orandi viget, permittimus quidem, ut absque praemisso rosario catechesi initium detur; ast simul ordinamus, ut huic cum examine, et subsequis orationibus tres circiter quadrantes duraturae hymnus aliquis accommodus subnectatur. Novimus quidem nonnullos Parochos a tradenda pomeridiana catechesi diversis rationibus, et potissimum, quod vel munusculis catechelicis sint destituti, vel quod pueri hieme ob defectum vestium, aestate ob custodiam pecorum ad ecclesiam non accedant, se excusare, obligationique suae satisfacere judicare, si quaspiam quaestiones doctrinae Christianae post concionem ex cathedra deproperaverint. Verum sicut aliae, ita et hae speciosae sunt causae, quibus socordiam suam tegere nituntur. Nam quod praemiola catechelica attinet, si utilitatem, ac necessitatem doctrinae christianae populo, ac praecipue prolium parentibus nervose proposuerint; si diligentiam, et zelum in ea tradenda exhibuerint, prouti proponere, et exhibere debent: aut ipsi Domini terrestres, aut etiam alii ex populo certe movebuntur ad aliquid finem in tam salutarem dandum. Ipsi etiam Parochi cum ex proventibus vel superfluis eleemosynam distribuere obligentur, vel ex necessariis liberaliter dare soleant, ad comparanda potius hujusmodi munuscula quidpiam ex suo expendant, per quae tam magnum spirituale commodum paratur. Aequitas enim exposcit, ut quoniam Parochi a suis temporalia percipiunt, ex his pro salute suorum aliquid erogent. Verum qui Parochi nullo alio modo opportuno necessarios pro munusculis catecheticis sumtus conquirere possent, iis indulgemus, ut ex cassa ecclesiae, si haec alioquin non eguerit, tres ilorenos rationibus ecclesiae inserendos, pro hujusmodi donariis annue impendere possint. Quod vero puerorum tempore hiemis, et aestatis a meridie ab ecclesia absentiam concernit; hunc defectum apud desidiosos duntaxat Parochos deprehendimus, qui non solum hieme, et aestate, verum etiam vere, et autumno, consequenter toto anno catechisare negligunt. Etenim plerique etiam rusticorum filii pro con
