Szily János: Instructio venerabilis cleri dioecesis Sabariensis (Szombathely, 1855)
29 Ut vero haec eo firmius praestari valeant, omnes Parochi, et Administratores bona ecclesiae mobilia, et immobilia, quorum inventarium occasione Introductionis confectum est, sollicite curabunt, et administrabunt. Inprimis, si ecclesia quospiam fundos immobiles per parochianos tenore Visitationis canonicae, vel virtute recentioris specialis contractus cultivandos habuerit, eos per parochianos sedulo excoli, fructus colligi, et pretio, quo poterunt, maximo distrahi facient; si vero fundi ecclesiae sumtibus cullivandi forent, tunc utilius fore censemus, eosdem mediante auctione publica sub his conditionibus elocare; nimirum: ut exarendatio tribus duntaxat annis duret, fundi, sylvae, et aedificia cultiventur, atque in bono statu conserventur, summa vero arendatitia anticipato de medio anno in medium annum persolvatur. Transacto triennio iidem fundi vel priori arendatori, vel alteri, prout opportunius visum fuerit, concedi poterunt. — Circa capitalia, aliasque pecunias ecclesiae ex quotidianis sumtibus remanentes constituimus; ut Parochi, et Administratores eas absque fructu in arca haerere non permittant, sed ad loca secura erga legale interusurium, et intabulationem sumtibus debitoris procurandam elocent. Severe autem vetamus, ne Parochi, et Administratores pecunias ecclesiae mutuo levare, vel suis consanguineis mutuare audeant. Qualis Stigmatis charta pro obligatorialibus communibus, ac Campsis (Váltó, Wechsel) assumenda sit; item quem censum certae quantitatis Capitalia fundant? Tabellae in appendice sub 1. et II. docent. Pro conservando ecclesiae aere in qualibet parochia, — imo et in filialibus, — habeatur distincta cista duplici clave ila provisa, ut una citra alterius adminiculum reserare cistam nequeat. Harum una apud Parochum, altera apud Aedituum, seu Curatorem asservetur. Cista haec, si commode fieri potest, in superiore sui parte fissura sit instructa ita, ut aes in illam injici, nunquam tamen per eandem fissuram quidpiam accipi possit. Quod minutim, maxime ex nolula singulis dominicis, et festis diebus collectum fuerit, praemissa prius per Aedituum, vel Campanatorem in praesentia Parochi renumeratione, in manualem ecclesiae libellum inseratur, ac subin in cistam per fissuram immittatur. Ne vero ob erogationes currentes cistam istam saepenumero reserari oporteat, procuretur distinctus libellus in quo ceroplasta, et alter, in quo mercator merces pro parte ecclesiae dispositas adnotabunt, cum exitu anni militaris excontentandi. Ultra aes paratum in cista ecclesiae conserventur etiam litterae fundationales , et obligatoriales, tam ecclesiam, quam parochiam, tam sacerdotium locale, quam et servos ecclesiae concernentes. Asservatio cistae ecclesiae in loco sicco, et contra incendii periculum praemunito exclusive ad Parochum spectat. Patro
