Szily János: Instructio venerabilis cleri dioecesis Sabariensis (Szombathely, 1855)
XVI Constitutio Benedicti XIV. „Sacramentum Poenitentiae“ dd-to 1-ae Junii 1741* Sacramentum Poenitentiae, quam secundam post naufragium deperditae gratiae tabulam Sancti Patres apte nuncuparunt, nos licet immerentes ad universi dominici Gregis curam superna dispositione vocati, omne studium, et sollicitudinem adhibere tenemur, ne quod post amissam Baptismi innocentiam, datum est divina benignitate perfugium, per daemonum fraudem, et hominum Dei beneficiis proterve utentium malitiam naufragis, ac miseris peccatoribus luctuosum evadat exitium— Dudum quidem a f. rec. Gregorio Papa XV. Praedecessore Nostro per suas litteras in forma Brevium........provisum fuit contra quoscunque Sacerdotes, audiendis Confessionibus deputatos, ad turpia, et inhonesta sollicitantes.......Nos itaque... motu proprio... committimus, et mandamus omnibus locorum Ordinariis... ut diligenter... inquirant, et procedant contra omnes, et singulos Sacerdotes... qui aliquem poenitentem, quaecunque persona illa sit, vel in actu Sacra mentalis Confessionis, vel ante, vel immediate post Confessionem, vel occassione, aut praetextu Confessionis, vel etiam extra occasionem Confessionis in Confession ali, sive in alio loco ad Confessiones audiendas destinato, aut electo cum simulatione audiendi ibidem Confessionem ad inhonesta, et turpia sollicitare, vel provocare sive verbis, sive signis, sive nutibus, sive tactu, sive per scripturam aut tunc, aut post legendam tentaverint, aut cum eis illicitos, et inhonestos sermones, vel tractatus temerario ausu habuerint; et quos in aliquo ex hujusmodi nefarii accessibus culpabiles repererint, in eos pro criminum qualitate, et circumstantiis severe animadvertant per condignas poenas — Meminerint praeterea omnes, et singuli Sacerdotes ad Confessiones audiendas constituti teneri se, 15
