Szily János: Instructio venerabilis cleri dioecesis Sabariensis (Szombathely, 1855)
ac obligari suos Poenitentes, quos noverint fuisse ab aliis sollicitatos, sedulo monere juxta occurrentium casuum circumstantias de obligatione denunciandi... locorum Ordinariis... personam, quae sollicitationem commiserit, etiam si sacerdos sit, qui jurisdictione ad absolutionem valide impertiendam careat, aut sollicitationi Poenitens consenserit, sive Consensum minime praestiterit, vel longum tempus post ipsam sollicitationem jam effluxerit, aut sollicitatio a Confessario non pro se ipso, sed pro alia persona peracta luerit. Caveant insuper diligenter Confessarii, ne poenitentibus, quos noverint jam ab alio sollicitatos, Sacramentalem absolutionem impertiant, nisi prius denuntiationem praedictam ad effectum perducentes delinquentes indicaverint competenti Judici, vel saltem se, cum primum poterunt, delaturos spondeant, ac promittant. Et quoniam improbi homines quidem reperiuntur, qui odio, vel ira, vel alia indigna causa commoti, vel aliorum impiis svasionibus, aut promissis, aut blanditiis, aut minis, aut alio quovis modo incitati, tremendo Dei judicio posthabito, et Ecclesiae auctoritate contemta, innoxios Sacerdotes apud Ecclesiasticos Judices falso sollicitationis insimulant: ut igitur tam nefaria audacia, et tam detestabile facinus metu magnitudinis poenae coerceatur, quaecunque persona, quae execrabili hujusmodi flagitio se inquinaverit, vel per se ipsam innocentes Confessarios impie calumniando, vel sceleste procurando, ut id ab aliis fiat, a quocunque Sacerdote__ praeterquam a Nobis, nostrisque Successoribus, nisi in fine vitae, et excepto mortis articulo, spe absolutionis obtinendae... perpetuo careat__ Demum... hac nostra sanctione in perpetuum valitura... omnibus, et singulis Sacerdotibus tam saecularibus, quam regularibus cujuscunque Ordinis, et Dignitatis... interdicimus, et ■prohibemus, ne aliquis eorum extra casum necessitatis, nimirum in ipsius mortis articulo, et deficiente tunc quocunque alio Sacerdote, qui Confessarii munus obire possit, Confessionem Sacramentalem personae complicis in peccato turpi, atque inhonesto contra sextum Decalagi praeceptum commissum excipere valeat; sublata propterea illi ipso jure quacunque auctoritate, et jurisdictione ad qualemcunque personam ad hujusmodi culpam absolvendam, adeo quidem, ut absolutio, siquam impertierit, nulla, atque irrita
