Szily János: Instructio venerabilis cleri dioecesis Sabariensis (Szombathely, 1884)
7° — et complexans eos, et imponens manus super illos, benedicebat eos. Marci, io. v. io. 13. 14. 16. Et admirandus Doctor gentium pro ingenti sua in omne genus hominum charitate, ac zelo in hoc quoque exemplum praebuit, qui Corinthiis, tamquam parvulis in Christo, lac primum potum dedit, non escam, i. Cor. 3. v. i. 2. seu non sublimem doctrinam, verum rudimenta fidei tradidit. Hinc summi Ecclesiae Pastores, ac Doctores, ut SS. Basilius, Augustinus, Carolus Borromaeus, et Franciscus Salesius, aliique non solum ab officio suo alienum, ac infra dignitatem suam esse non existimarunt, pueros, et rudes instruere, verum praecipuam muneris sui partem ex praecepto Domini judicarunt, eosdem salutaribus doctrinis imbuere. Ideo Cone. Trid. Scss. 24. c. 4. de Reform, ordinavit, ut Episcopi saltem dominicis, et aliis festis diebus pueros in singulis parochiis fidei rudimenta, et obedientiam erga Deum, et parentes diligenter ab iis, ad quos spectabit, docefi curent, et si opus sit, etiam per censuras ecclesiasticas compellant. His et praeceptis, et exemplis inhaerentes cunctis Parochis, et parochiarum Administratoribus injungimus, ut singulis per annum diebus dominicis, ac festis — nisi quoad dies festivos Visitatio Canonica aliter disposuerit — a meridie per mediam horam rudimenta fidei pueris, ac puellis, et ipsi populo indispensabiliter tradant, seu necessaria necessitate medii, ac praecepti, orationem dominicam, et angelicam, symbolum fidei, praecepta decalogi, et ecclesiae, sacramenta, et obligationes eorum, quibus erga parentes, et superiores suos tum ecclesiasticos, tum saeculares, praesertim erga supremum terrae Principem tenentur, sermone vulgari quidem, sed claro, et ordinato explicent, et ex explicatis eosdem pueros,
