Szily János: Instructio venerabilis cleri dioecesis Sabariensis (Szombathely, 1884)

7'

ac puellas, per alteram semihoram examinent. Ad haec docenda multis quidem probatis, et praeclaris concionatoribus, et catechismis uti poterunt: Nos attamen volumus, ut cumprimis catechismum romanum jussu Concilii Trid. editum, et eum, cujus in Dioecesi nostra usque ulteriorem nostram dispositionem usus est, adhibeant. Ut autem hujusmodi catechesis optatum fructum producat, svademus, ut in iis parochiis, in quibus quaedam consociationes ad prosequendum speciatem finem religioso-moralem coaluere, ipsi socii non tantum catechesim diligenter frequentent, sed alios quoque verbo, et exemplo ad sui imitationem potenter permovere satagant. Deinde sequentem in catechesi habenda ordinem praescribimus. Parochus ante quamlibet catechesim una hebdomada citius ex catechismo determinet, ac in ecclesia promulget, de quanam materia proximam doctrinam christianam sit habiturus; ut interea pueri domi, quantum per varias occasiones licuerit, aliquid in eodem genere discere, eosdemque Ludi-Magister aliquantum in scholis praeparare possit. Diebus dominicis, et festis fori a meridie hora media tertia, vel ubi moris est: media secunda detur primum signum campanae pulsu, post tertium quadrantem compulsetur, et hora praecise tertia, vel secunda Parochus, vel Capellanus, praemissa brevi lingua vernacula cantilena, rosarium B. V. Mariae insertis vitae Christi mysteriis cum populo clara voce alternatim oret; cum enim Regnum Hungáriáé peculiari devotione a sanctissimis nostris regibus, praesertim a Proto-Rege nostro s. Stephano B. Virgini oblatum, et commendatum, atque inde Marianum compellatum sit, ratio et communis et privati nostri boni exposcit, ut cultum magnae Matris Dei, haereditate