Szily János: Instructio venerabilis cleri dioecesis Sabariensis (Szombathely, 1884)
28 gloriosum triumphum aget. Cum perditione, et corruptione peccati solitudinem ingressus, castigatus, et innocens egredietur ; Seminatur in corruptione sürget in in corruptione, i. Cor 15. 42. Cum dedecore, quo operitur peccator, ingreditur, et cum decore egredietur. Seminatur in ignobilitate, sürget in gloria. Ibid. v. 43. Cum imbecillimo animo ingreditur, et divino robore plenus egredietur. Seminatur in infirmitate, sürget in virtute. Ibid. Cum mundanis, et impuris desideriis ingreditur, et cum coelestibus, puris, et supernaturalibus desideriis egredietur. Seminatur corpus animale, sürget corpus spirtuale. v. 44. Antiquus homo moritur, et novus Dei. proximique amore repletus nascitur. Primus homo de terra terrenus, secundus homo de coelo coelestis. Ibid. v. 37. Quapropter omnibus Parochis, et Sacerdotibus Dioecesis nostrae curatis, seu non curatis impense commendamus, ut singulis annis spiritualibus Exer citiis per tres dies — si fieri potest — in aliqua domo religiosa, in omnem casum vero in loco a turbis remoto vacent, et Confessionem sacramentalem sub iis peragant. Quodsi plures in quapiam domo parochiali fine S. Exercitiorum convenerint, id Nos patiemur dummodo iis dediti nullis se negotiis secularibus misceant, neque curam animarum interea exerceant. Si enim tempore s. hujus secessus quidpiam horum fecerint, procul dubio distrahentur, et optatum fructum haud reportabunt. Eapropter singuli, donec piis exercitationibus incubuerint, Administratorem sui loco constituant, qui tantisper curam servitii divini, et animarum gerat. Novimus quidem Exercitia haec non paucis diverso ex obtutu ingrata accidere ; verum illi considerent animam suam pretioso Christi sangvine redemptam,
