Szily János: Instructio venerabilis cleri dioecesis Sabariensis (Szombathely, 1884)

XIX

Constitutio Benedicti XIV. „Apostoliéi muneris“ dd to 8-ae Febr. 1745.

Apostoliéi muneris partes in procuranda praecipue rerum sacrarum pura, illibataque penitus administratione versari debere probe intelligentes . . . leges . . . opportune communire . . . non praetermittimus. Sane cum Nos super ea Constitutionis (Sacramentum Poenitentiae a 1741. 1. Kal. Junii) parte, quae mortis articulum respicit, dubitationes quasdam exortas fuisse accepimus .. declaramus, eadem Constitutione singulis Sacerdotibus, quemadmodum interdictum non est in mortis articulo personam in . . . turpi peccato complicem confitentem audire, atque ab hujusmodi culpa rite contritam absolvere, deficiente tunc quocunque alio sacerdote, qm Confessarii munus obire possit; ita interdici reipsa, et prohiberi praedicto modo tunc audire, et absolvere, ut si alius aliquis Sacerdos non defuerit, etiam si forte iste alius simplex tantummodo Sacerdos fuerit, sive alias ad Confessiones audiendas non approbatus, possit nihilominus ipse Sacerdos simplex Confessionem excipere, ac absolutionem impertire. Porro si. . . alius Sacerdos ad audiendam constitutae in dicto articulo personae Confessionem vocari, aut accedere sine gravi aliqua exoritura infamia, vel scandalo nequeat, tunc alium Sacerdotem perinde haberi, censerique posse, ac si revera abesset, atque deficeret, ac proinde in eo rerum statu non prohiberi socio criminis Sacerdoti absolutionem poenitenti ab eo quoque crimine impertiri. Sciat autem complex ejusmodi Sacerdos.. . fore se reipsa coram Deo .. reum gravis ... inobedientiae, latisque ... poenis obnoxium, si praedictae infamiae, aut scandali pericula sibi ultro ipse confingat, ubi non sunt; imo intelligat teneri se hujusmodi pericula antevertere ... opportunis mediis, unde fiat, ut alteri