Szily János: Instructio venerabilis cleri dioecesis Sabariensis (Szombathely, 1884)

XV

. . . ut diligen er . . . inqirant, et procedant contra omnes, et singulos Sacerdotes . . . qui aliquem poenitentem, quaecunque persona illa sit, vel in actu Sacramentalis Confessionis, vel ante, vel immediate post Confessionem, vel occasione aut praetextu Confessionis, vel etiam extra occasio ■ nem Confessionis in Confessionali, sive in alio loco ad Confessiones audiendas destinato, aut electo cum simulatione audiendi ibidem Confessionem ad inhonesta, et turpia sollicitare, vel provocare sive verbis, sive signis, sive nutibus, sive tactu, sive per scripturam aut tunc, aut post legendam tentaverint, aut cum eis illicitos, et inhonestos sermones, vel tractatus temerario ausu habuerint ; et quos in aliquo ex hujusmodi nefarii accessibus culpabiles repererint, in eos pro criminum qualitate, et circumstantiis severe animadvertant per condignas poenas . . . Meminerint praeterea omnes, et singuli Sacerdotes ad Confessiones audiendas constituti teneri se ac obligari suos Poenitentes, quos noverint fuisse ab aliis sollicitatos, sedulo monere juxta occurrentium casuum circumstantias de obligatione denunciandi. . . locorum Ordinariis , . . personam quae sollicitationem commiserit, etiam si sacerdos sit, qui jurisdictione ad absolutionem valide impertiendam careat, aut sollicitationi Poenitens consenserit, sive Consensum minime praestiterit, vel longum tempus post ipsam sollicitationem jam effluxerit, aut sollicitatio a Confessario non pro se ipso, sed pro alia persona peracta fuerit. Caveant insuper diligenter Confessarii, ne poenitentibus, quos noverint jam ab alio sollicitatos, Sacramentalem absolutionem impertiant, nisi prius denunciacionem praedictam ad effectum perducentes, delinquentes indicaverint competenti Judici, vel saltem se, cum primum poterunt, delaturos spondeant, ac promittant.

Et quoniam improbi homines quidem reperiuntur, qui odio, vel ira, vel alia indigna causa commoti, vel aliorum impiis svasionibus, aut pro-