Szily János: Instructio venerabilis cleri dioecesis Sabariensis (Szombathely, 1884)
17 siae, Cassa Ecclesiae, Bibliotheca et Archivum parochiale, in specie : protocolla, matricae, elenchus fundationum et legatorum piorum, litterae obligatoriales, et documenta omnia ad jura et officia parochialia adtinentia. Quem in finem ad ductum instrumenti postremae resignationis — habito prae oculis incrementi, quod interea forsan accesserat, statu — Inventarium praeattactorum in tribus exemplaribus per Vice- Archidiaconum, et introducendum Ecclesiasticum subscribendis, eorumque sigillo roborandis conficiatur, ex quibus unum intra decem ab introductione computandos dies per Vice-Archidiaconum Officio nostro Dioecesano exhibebitur, altero in archivo parochiali relicto, tertia vero apud Vice-Archidiaconum retento. Ad Inventarium hocce accurate conficiendum rationes super peculio Ecclesiae, aliisque fundis per Aetecessorem administratis a discedente Beneficiato in persona reddendae, in locum denati vero a Vice-Archidiacono adornandae ; et dum Cassa Ecclesiae, aliique fundi Introducendo resignantur, ab eodem reversales super transsumtis sive in aere parato, sive in obligatorialibus Summis dandae erunt. Inquirendum hac ipsa occasione, an ex fundis Ecclesiae et Beneficii immobilibus aliquid abalienatum sit ? item in quonam statu sint Ecclesia, et domus parochialis cum adpertinentiis ejus ? quae omnia in praeattacto Inventario designabuntur. Quid in defectibus, si qui hac occasione in quocunque genere detegerentur, supplendis, item proventibus Beneficii inter Antecessorem et Successorem dividendis observandum sit ? desuper inferius suo loco constituemus. Omnes quidem ad providendum Beneficium curatum dispositos introducendos, sed installandos 2
