Szily János: Instructio venerabilis cleri dioecesis Sabariensis (Szombathely, 1884)

sacer, vel catechesis, intitutio privata, instructio sponsorum, parvulorum, adhortationes infirmorum etc.

Qui in Examine eminentis, vel primae classis calculum ex omnibus superius memoratis objectis retulerit, pro consequendo beneficio, et canonica institutione, si secus nil obstet, idoneus reputatur. Ex uno objecto secundam referens classem, hanc obtento praevio indultu in proximo examine emendare potest: ast qui e duobus objectis in secundam classem recidit, totum examen repetendum habet.

Sacerdotem occasione examinis synodalis rite adprobatum, si pro beneficio ecclesiastico curato per concernentem Patronatum praesentatus Praesentam Nobis exhibuerit, investitionemque sui petierit, quemadmodum et illum ex adprobatis, quem beneficio nostrae collationis admovendum censuerimus, si ceteroquin nihil obstiterit, Canonice instituemus. Quem in finem instituendus fidei RCatholicae professionem, et juramentum sic dictum parochorum typis procusum, et propria illius manus subscriptione muniendum in sacello nostro eliciet Decretum Investiturae percepturus.

CAPUT III.

De Introductione et Installationc.

Quicunque ad providendum Beneficium Ecclesiasticum curatum disponuntur, Administratores intelligimus, et Neo-investitos Parochos, per Vice-Archidiaconum districtualem indilate introducendi eisque omnia ad Ecclesiam, et Beneficium adtinentia tradenda sunt; uti: Supellex solida, et vestiaria Eccle-