Szily János: Instructio venerabilis cleri dioecesis Sabariensis (Szombathely, 1884)
15 auditis synodalibus Examinatoribus — dispensare tales Presbyteros, qui illud prima vice cum calculo eminentis subiverunt, aut ab illo tempore eruditionem non vulgarem, et singularem animarum curandarum dexteritatem manifestarunt. Arcentur vero : qui ex respectu morum, quos praesetulerunt, beneficio indigni reputantur. Examen Synodale bis per annum, mensibus videlicet Majo et Septembri, instituitur ; quare eos, qui illud praefixo termino subire parant, oportet hanc suam intentionem decem diebus ante eundem terminum Officio nostro Dioecesano insinuare. Examinatores Synodales — quibus etiam Professores s. Theo’ogiae, in quantum ipsi examini synodali non amplius sunt subjecti, adnumerari volumus — in tres Sectiones subdivisi sunt. Harum una ex Jure Canonico, et Decretis Concilii Tridentini, altera e Theologia morali et pastorali, tertia e Dogmatica, Exegesi et Breviario respectivos pertentat. Facultatem porro examinandis concedimus, in his sectionibus aut simul ex omnibus, aut per vices, duabus vel tribus vicibus examen subeundi. Examen aliud est orale, aliud scripturisticum. Examen orale praemittitur, cujus objecta superius nunc recensebantur, instituiturque lingva latina. — Examen scriptum lingva vernacula instituitur, ita quidem, ut liceat iis, qui plures lingvas callent, tot idem lingvis pro sui commendatione uti, quot quilibet callet, et in Dioecesi vigent ; partem assignati thematis hac, partem alia, atque alia concinnando. Pro exarando elaborato scripto sub invigilantia deputati ad hoc synodalis examinatoris decem horarum spatium conceditur. Assignatur autem elaborandus sermo
