Szily János: Instructio venerabilis cleri dioecesis Sabariensis (Szombathely, 1884)

14

a. 1853. editam benigne acceptaverit, pro legali recognoverit, ac simul disposuerit, ut illud etiam quoad privatos Ecclesiarum Patronos vigorem sortiatur : nemo Sacerdotum adipiscendo, adeundo, et tenendo cum effectu investiturae canonicae beneficio curato, sive collatio ejus libera sit, sive erga praesentam concernentis Patroni fiat, habilis censebitur ; nisi in examine concursuali sufficientis doctrinae, dexteritatis, et in sacratioribus scientiis profectus sui specimina dederit, ac approbari mereatur. Ad examen Synodale admittuntur illi, qui beneficio omni sub respectu se dignos reddiderunt, et in cura animarum vel alio Officio ecclesiastico triennium jam exegerunt.

Exempti a subeundo Examine concursuali sunt : SS. Theologiae Doctores ex toto. Juris Canonici Doctores intuitu Juris Canonici, et Decretorum SS. Concilii Tridentini, Licentiati vero et Baccalaurei relate ad disciplinas, e quibus approbationem retulerunt. His accedunt actuales Theologiae Professores, qui ex toto dispensati habentur, si munus Professoris jam tribus annis eminenter obiverunt. Ordinariatus habet jus — sed tantum auditis synodalibus Examinatoribus — ab obligatione synodalis examinis subeundi tales quoque viros dispensandi, qui theologicam suam eruditionem qua auctores, aut per administratum sex annis aliquod eminens munus ecclesiasticum sufficienter comprobarunt.

Examen synodale, quod qui; bono cum calculo subivit, in regula sex annis valet, quibus elapsis idem examen tam curati, qui ad aliud beneficium transferri, quam candidati, qui nunc primum beneficio admoveri intendunt, repetere tenentur. A repetendo tamen hoc examine potest Ordinariatus —