Szily János: Instructio venerabilis cleri dioecesis Sabariensis (Szombathely, 1884)
— 113 — super qualitate, et diuturnitate servitii, aut officii suis locis impetraverat, prout et passuales, commorationales, et apud opifices etiam litteras peregrinatio - nales, omniaque ista documenta Nobis exhibentes praevertere adnitantur, ne documenta fa’sa, vel correctione, rasura, aut cancellatione adulterata, vel apogrypho sigillo munita pro veris, et genuinus suscipiantur. Illi, qui recenter, seu intra sex hebdomadarum spatium ex aliena parochia advenerunt, non prius ad contrahendum Matrimonium admittantur, quam si in priori parochia tribus vicibus denunciati fuerint, et testimonium super his promulgationibus — vel obtentam desuper dispensationem — item dimissionales, stygmate 50 xr. provisas, ab illo Parocho attulerint. His praemissis de promulgationibus, et dispensationibus pauca attingimus. Antequam Matrimonium contrahatur, sponsi ter a proprio Parocho continuis diebus festis, et dominicis in ecclesia intra Missarum solennia — non autem tempore litaniarum, aut plane feriatis diebus, etiamsi copiosior esset populi confluxus — publice denuncientur. Si vir, et mulier sint diversae parochiae, denunciationes in utraque fiant. Denunciationes hae repetantur, si post factas promulgationes intra duos menses Matrimonium non contrahatur. Si rationabiles adsint causae recursus, cum stygmate 50 xr. provisus, pro dispensatione a bannis ad Nos, adornari poterit. Sunt vero tales causae: Status praegnans sponsae, hincque metuenda ejus diffamatio, et pudor ; periculum seductionis; angustia temporis; pudor, et confusio, quam timent sponsi ob disparitatem in aetate, et conditione; dignitas personarum in Principibus, et Magnatibus, quorum impedimenta sunt plerumque magis nota; singularis utilitas, 8
