Széchényi Miklós: A Szent György vértanúról nevezett Jaáki Apátság története (Budapest, 1901)
I I * A JAÁKI APÁTSÁG KIADATLAN OKLEVELEI 81 metas possessionis nostre Zewlews, in fluvio Genges decurrenti; legamus annuatim dari et ministrari dictis plebano et personis sexaginta cubulos frugum; item in molendino nostro in Besefalwa habito octo cubulos et octo metretas frugum annuatim dari debeant. Item molendinum nostrum, in fluvio Strem, prope possessionem Alsokykes, cum triginta duobus metretis frugum, vel cubulis. Item proventum balnei in Kolon habiti, ac centum et proventum agri nostri, quem nunc possidet molendinator in molendino nostro prope Zenthpeterfalva habito commorans legamus similiter dictis presbiteris et plebano. Item de piscina et prato condam Jacobi Konch eisdem annuatim debet dare eorundem possessor in festo kadetre sancti Petri denarios Viennenses centum et viginti; de prescriptis autem omnibus plebanus habebit quartam partem. Item legamus ecclesie parochiali in opido nostro Rubeathurri fundate, ac plebano et successori eiusdem vineam nostram in promontorio possessionis nostre Eberdorff vocate usque occasum solis adiacentem, necnon unum molendinum nostrum, in fluvio Pynka, inter possessiones Eur inferiori et Rubeathurri decurrenti, sub tali conditione, ut ipse plebanus debeat tenere capellanum perpetuis semper temporibus, qui teneantur celebrare tres missas, in qualibet ebdomada, puta secunda feria pro defunctis requiem, quarta feria de sancta trinitate, et feria sexta de sancta cruce. Item iterum le[gam]us decimam partem omnium proventuum nostrorum tam de molendinis nostris in opido Kennend, in fluio Raba, intra See... ac in possessione nostra Zechevd, similiter in fluio Raba decurrenti, nobis evenire debentium altari beate Marie virginis in ecclesia parochiali Zenthelsebeth vocata, in eadem Kennend fundata constructo, sicuti etiam prius genitrix nostra carissima legaverat ante obitum suum, ita videlicet, quod rector altaris predicti, vel plebanus eiusdem ecclesie, qui scilicet ipsorum ipsam decimam partem dictorum proventuum molendinorum ipsorum percipiet, cottidie debet et teneatur cantare unam missam in predicto altari beate virginis; insuper similiter decimam partem proventus nostri de molendino circumspecti Stephani Warti, in eadem Kermend habito, nobis evenire debentis legamus eidem rectori altaris eiusdem, qui scilicet dictam missam celebravit, hoc tamen adiecto, quod si plebanus prefatus percipiet dictos proventus, extunc debeat tenere capellanum ad serviendum deo et celebrandum super dictum altare. Iterum totalem portionem nostram possessionariam, in Dyak habitam, sew pecunias nostras super illam habitas legamus ad fabricas monasteriorum sancti Georgii martyris in eadem possessione Dyak aliter Thyak vocata, et sancte Margarethe in Porno fundatorum, et ecclesie beati Jocobi apostoli in dicta Thyak fundate, ita videlicet, quod directam et equalem medietatem totalis portionis nostre predicte in ipsa Dyak habite ad fabricam et tecturam monasterii sancti Georgii predicti et ecclesie beati Jacobi apostoli ibidem habite, aliam vero directam et equalem medietatem ad fabricam dicti monasterii sancte Margarethe virginis et martyris in dicta Porno fundati. Item sicuti et quemadmodum alias familiares nostros videlicet Ladislaum Sebryk de Sarwaskend et Philippum castellanum nos magnifico domino Nicolao de Zech, fratri nostro carissimo iuarare (igy), eidemque iuramentum parari feceramus, ita et nunc testamentaliter legamus ii
