Széchényi Miklós: A Szent György vértanúról nevezett Jaáki Apátság története (Budapest, 1901)
82 A JAÁKI APÁTSÁG KIADATLAN OKLEVELEI alimodo, quod si ipse frater noster carissimus Nicholaus Seechy generosam dominam Katherinam coniugem nostram carissimam de omnibus bonis et possessionibus, possessionibusque possessionariis (igy: portionibusque helyett), emptitiis scilicet et in pignoratitiis, aliisque universis et singulis iuribus suis, dictam dominam concernentibus contentaverit, sew contenturam fecerit omnibus modis, necnon de omnibus debitis nostris, quibus nos obligamus satisfecerit, et omnibus familiaribus nostris nobis famulantibus servitia et saliaria ipsorum plene et integre persolverit, ac si dum et quando annotata domina Katherina, consors nostra carissima, prefatis Ladislao Sybryk et Philippo castellano exinde satis dixerit habere, necnon eadem domina sub sigillo suo proprio eisdem puram expeditoriam et quietam dederit et concesserit, extunc idem Ladislaus Sybryk et Philippus castellanus iuxta commissionem nostram et presentem legationem, memorato domino Nicholao Zechy, fratri nostro fidem prestitam complere, necnon castrum nostrum Monyorokerek et alia bona nostra, demptis tamen iuribus sepefate domine coniugis nostre, ad manus suas dare et assignare debeant et teneantur. Ceterum quicunque hominum hoc presentem (igy!) testamentum nostrum infringere, aut eidem testamento nostro obstare et contradicere attemptaverit quoquomodo, extunc idem solus debeat et teneatur dare et reddere rationem coram deo ommipotente, exinde ac illum hominem deus cunctipotens solus adiudicare dignetur suo iusto iudicio. Presens autem testamentum nostrum fecimus coram prefata domina Katherina, coniuge nostra carissima, ac discreto Osvaldo plebano nostro de Monyorokerek, archidiacono et religioso fratre Thoma, priore fratrum heremitarum in predicto claustro nostro degentium, necnon predictis nobilibus Philippo castellano dicti castri nostri et Ladislao Sybryk, harum nostrarum vigore et testimonio litterarum, proprio sigillo nostro anulari consignatarum mediante. Datum in dicto castro nostro Monyorokerek, in festo cene domini, anno domini millesimo quadringentesimo octogesimo (nonagesimo: törölve) nono. Papíron, az Országos Levéltár Diplomaticai Osztályában Nr. 19510. X. 1509 nov. 1. Vos [universos et] singulos Dominos Prelates, Barones, Comites, Nobiles, Castellanos, Tricesima[tores], Theloniatores ac alios quosvis Officiales presentes visuros Matheus Abbas Sancti Martini sacri montis Pannonie tanquam dominos et benivolos nostros rogamus, ut dum et [cum?] requisiti fueritis per homines nostros presentium ostensores ex parte cuiusdam patris Blasii olim abbatis de Thyaky, qui hiis diebus hinc a nobis et ab isto monasterio nostro scandalose et furtim cum nonnullis indumentis et certis rebus fratrum nostrorum, fratrum huius monasterii abscessit, mox eundem detinere atque usque
